ShQO aqparat ortalyǵy
Qazir shaǵyn aýdannyń máseleleri qurylys jumystarymen tikeleı baılanysty. Ushaqtar eldimekeni qala aýmaǵynda jaqyn aýyldardan kelgen turǵyndardyń qurylys salýlary nátıjesinde 90-y jyldary paıda boldy. Sý men elektr energııasyn paıdalaný úshin turǵyndar ózderi jasaǵan jelilerdi paıdalanýda, aıta keterligi ol qaýypsiz emes.
Turǵyndardy aýyz sýmen qamtamasyz etý úshin qala ákimdigi eldimekende sý jelisin salý týraly sheshim qabyldady. Joba turǵyndarǵa qala basshylyǵymen kezdesý kezinde tanystyrylǵan bolatyn. Jobaǵa sáıkes sý jelisiniń jalpy uzyndyǵy 40,2 km quraıtyn bolady. Jumystar 2018 jyldyń qazanynda bastaldy. Oryndaýshy - "Vostokstroıgrýpp" JShS. Búgingi kúnde jumystyń 80% júzege asyryldy. Jumysty aıaqtaý aǵymdaǵy jyldyń jeltoqsan aıyna josparlanǵan.
Degenmen TQSh bóliminiń basshysy Amantaı Ýtelbaevtyń aıtýynsha eldimekenniń turǵyndary kúzdiń basynda sýmen qamtyla bastaıdy.
Energııamen qamtý máselesi sheshilýde. Kvartalishilik elektr jelilerin qurastyrý jobasymen "TPEP" JShS aınalysýda. Kelisim-shartqa sáıkes jumystar ótken jyldyń 13 jeltoqsanynda aıaqtalýy tıis bolǵan. Jobanyń ýaqytyly tapsyrylmaýy sebebinen qalalyq ákimshilik atynan merdigerdi memlekettik satyp alýda tıimsiz qatysýshy dep taný týraly talap jiberildi.
Kóktemde sot sheshimi shyǵyp merdigerge arnaıy jaza taǵaıyndaldy. Obektini aıaqtaý úshin №13 tuıyq kósheden RP-ǵa deıin kabeldi ornatý, SIP jóndeý jáne esepteý quraldaryn ornatý jumystary qaldy. 5 tamyz kúni kabel ónimderi keledi dep kútúlýde. Jalpy jumysty bıyl 28 tamyzǵa deıin aıaqtaý josparlanýda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir