ShQO-da 90 myńǵa jýyq adam 42500 teńge aldy

Shyǵys Qazaqstan oblysyndaǵy 19 qala men aýdanda áleýmettik tólemderdi taǵaıyndaýǵa baılanysty týyndaǵan máselelerdi sheshý maqsatynda qurylǵan jedel shtab jumys isteýde. Shtab músheleri demalys kúnderi de eńbek etýde. Bul týraly ShQO aqparattyq ortalyǵynda ótken brıfıng barysynda  jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınov málim etti.

- Kúni búginge deıin shtabtaǵylar 20 myńnan astam azamattyń ótinishin qarastyrdy. Onyń ishinde 15,6 myń adamnyń ótinimi maquldandy, - dedi Doshan Qaıyrǵazınov.

Shyǵys Qazaqstan oblysynda 89,8 myń azamatqa áleýmettik tólem taǵaıyndaldy. Olardyń deni qarajatty ekinshi deńgeıli bankterden nemese «Qazposhta» AQ arqyly ala alady.

Aıta keteıik, oblystyń bas sanıtar dárigeriniń qaýlysymen HQKO men bankterdiń jumys ýaqyty uzartyldy.

Jumys berýshi jumysshylarǵa tıisti 42500 teńgege ótinish bermegen jaǵdaıda ShQO eńbek ınspeksııasyna habarlasý qajet. Brıfıngke qatysqan atalmysh basqarmanyń basshysy Baqytbek Qızatov osylaı dedi.

- Eńbek zańnamasy buzylsa nemese jumys berýshi áleýmettik tólem taǵaıyndaýǵa qyzmetkerleriniń tizimin berýden bas tartsa, karantın ýaqytynda jalaqysy saqtalmaıtyn demalysqa shyqqan azamattar bizge habarlasa alady, - dedi Baqytbek Qızatov.