Shyǵys Qazaqstandaǵy jazǵy demalys «Online-Kanıkýl» formatynda

Aǵymdaǵy jyly qıyn epıdemıologııalyq jaǵdaıǵa baılanysty oblys oqýshylarynyń jazǵy demalysy «Online-Kanıkýl» qashyqtyq formatynda uıymdastyrylyp, ótkizilýde. Ǵalamtor kómegimen balalar tehnologııalardy meńgerip, astronomııany ıgerip, jańa dostar taýyp jəne ózderindegi jańa talanttardy ashýda.

Balalardyń demalysyn uıymdastyrýdyń mundaı formaty respýblıkamyzda  kóktemgi demalys kezinde «Daryn dostaryn shaqyrady!» taqyrybymen júrgizilgen bolatyn. 30 naýryz ben 3 səýir aralyǵynda oblysymyzdyń nıet bildirgen barlyq oqýshylary úshin vırtýaldy formatta ótkizildi.

Aǵymdaǵy jyldyń 15 maýsymynda oblystyń bilim basqarmasymen «@shko_online_kanikuly» Instagram akkaýnty quryldy. QR Bilim jəne ǵylym Mınıstrligi bekitken «Qazaqstan balalary - jazdy qýanyshqa toltyraıyq!» qashyqtyq taqyryptyq aýysymdary uıymdastyryldy. Sonymen qatar, oblystaǵy qosymsha bilim berý uıymdarynyń pedagogtary da óz úlesterin qosty.

Qashyqtyq aýysymdar baǵdarlamasy kúndelikti ótkiziletin 4 baǵyttan turady. Olar - tańǵy jattyǵý, sheberlik saǵattary, tanymdyq jəne zııatkerlik saǵattar jəne keshki is-sharalar.

Balalar úshin aýqymdy baǵdarlama daıarlandy. Olar kúndelikti ınteraktıvti úıirmelerge, sporttyq sharalarǵa, onlaın-kvestterge, sheberlik saǵattaryna, shyǵarmashylyq saıystarǵa, vıktorınalarǵa, vırtýaldy ekskýrsııalarǵa qatysyp, kitap oqyp, vırtýaldy klýbtarda kıno kórip, onlaın teatrlar men konsertterge barady jəne vıdeochattarda təlimgerlermen suhbattasady. Onlaın formatqa qaramastan, lager atmosferasy saqtalǵan, sebebi qatysýshylardyń barlyǵy tapsyrmalardy birge oryndaıdy.

Tústen keıingi ýaqytta balalarǵa arnalǵan tanymdyq saǵat júrgiziledi, ol ýaqytta kelesideı vıdeolar legi usynylady: uly aqyn Abaı Qunanbaıulynyń qara sózderi, «Qazaqstannyń jeti keremeti», «Bəıterek týraly ańyz», «Əlemge tanymal sportshylar» jəne basqalary.

Bos ýaqytty úıde ótkizý - saıahattaý men qyzyqtarǵa teń kelmeıtini sózsiz. Degenmen, onlaın-aýysymdar - tek qashyqtyq formatymen erekshelenetin jańa tanystyqtarǵa, dostarǵa, bilimge, tartystarǵa, qyzyqtarǵa toly. Ata-analar úshin de bul balalarynyń ýaqyty tıimdi ótetindiginiń kepili. Sonymen qatar, mundaı format balalar men ata-analar arasynda jəne QR BǴM-de oń baǵasyn aldy.

Qashyqtyq formatyndaǵy «Online-Kanıkýl» 2020 jyldyń 30 tamyzyna deıin ótkiziledi. Oqý jylynyń bastalýyna qaraı qorytyndylar jasalyp, belsendi qatysqan oqýshylar gramotalarmen jəne estelik syılyqtarmen marapattalatyn bolady.

ShQO aqparat agenttigi