29 Shilde, 2020 NEWS

«Kópke úlgi»: Tekelidegi jomarttar 4 mln 220 myń teńge qaıyrymdylyq kómek kórsetti

Kórneki sýret

Qazaq qaıyrymdylyq jasap qaıyryn kórgen halyq. О́zin qoıa turyp ózgeni oılap, turmysy tómen otbasyǵa, taǵdyry talqyǵa túsken aǵaıynyna qolda baryn bólip beretin darqan minezdi keń peıildi ult. Iá, jetimin jylatpaǵan, jesirin qańǵyrtpaǵan atymtaı jomarttar jeterlik. Oǵan dálel elimizde oryn alǵan tótenshe jaǵdaıda qınalǵan jandarǵa qol ushyn soǵan Almaty oblysy Tekeli qalasynyń peıili darhan jandary.

Búginderi Monoqalada áleýmettik jaǵynan tómen otbasylar men jetim-jesir, aýrý-syrqaýlarǵa, tosynnan járdemge zárý bolyp qalǵandarǵa kómek qolyn sozyp jatqan nebir uıym, qaıyrymdylyq qorlary bar. Olar «Jomarttyq – jannyń baılyǵy» dep jaqsylyq jasaýǵa jarysa umtylyp, barymen bólisip, ortaq maqsatqa jumyla atsalysýda. Atap aıtsaq, izgi iske analyq júrek jylýymen kirisken qalalyq Analar keńesiniń bastamasyn «Jetisý Shapaǵaty» qoǵamdyq qorynyń fılıaly, jeke kásipker «Onǵarbaeva», «Baı-О́lke» jıhaz sehy, Kerimbek bı meshiti jalǵastyryp, betperde tigip, kóp balaly otbasylarǵa, muqtaj, múmkindigi shekteýli jandarǵa,  qarttarǵa taratyldy. Qazirgi tańda Mono qalada 5000-ǵa tarta betperde tegin úlestirildi. Halyq qajettiligine oraı bul izgilikti shara áli de uıymdastyrylyp keledi.

Elimizdegi tótenshe jaǵdaıǵa baılanysty turǵyndardyń tabys kóziniń qysqarǵany ras. Osy oraıda az qamtylǵan, kópbalaly otbasylaryna túsken salmaqty jeńildetýge qala kásipkerleri de qomaqty úles qosyp keledi. «Jomart bergenin aıtpas, er aıtqanynan qaıtpas» degendeı, jurtqa jasaǵan jaqsylyǵyn jarııalaýmaýdy jón sanaıtyn abzal azamattardyń kómegimen 4 mln. 220 myń teńgege qaıyrymdylyq kómek kórsetildi. Atap aıtqanda, olardyń qatarynda «Badelhan» JK, «MEGA Arzan» saýda úıi, Ortalyq Azııa Ýnıversıteti, qalalyq Isker áıelder odaǵy, «Nargıza» JK, «Medına», «Astana», «Dilda», «Okaenchık» dúkenderi bar. Jekelegen azamattar, stýdent jastar, «Meıirim», «Lıder.kz» eriktilerine taza kóńilden týyndaǵan yqylasy men jasaǵan ıgi amaldaryna turǵyndyr sansyz alǵys aıtyp rızashylyǵyn bildirýde.

Dana halqymyz: «Qaıyrymdylyq jasasań, qaıyryn óziń kóresiń», – deıdi. Atymtaı azamattardyń bul isi kópke úlgi. Eń keremeti jomart jandardyń Tekelidegi izgi is, ıgilikti sharalar munymen toqtap qalmaıtyndyǵyn, ári qaraı da jalǵasyn tabatyndyǵyn aıtýda.

Aıdar QALIEV

Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir