29 Shilde, 2020 NEWS

Belgisiz jomart jan Kerbulaq aýdandyq ortalyq aýrýhanasyna 15 ottegi konsentratoryn syıǵa tartty

Foto avtordiki

Almaty oblysy Kerbulaq aýdanyna 15 ottegi apparatyn syılaǵan jomart jan óziniń esimin jasyryn qaldyrýdy surady. Sondaı-aq, jaqyn arada taǵy 5 apparat jetkiziletin bolady. Osymen aýrýhanaǵa qajettiligi tolyǵymen óteledi.

– Aýdandaǵy epıdahýal búgingi tańda, koronavırýs ınfeksııasyn juqtyrǵan 67 adam tirkeldi. Onyń 17-si sımptomdy. Olar oblystyq operatıvti shtab bekitken aımaqqa em qabyldaýǵa jiberildi. Al aýdandyq aýrýhanada 55 naýqas pnevmonııadan emdelýde, onyń 5-i jan saqtaý bóliminde jatyr. Sondyqtan ottegi konsentratory bizge óte qajet bolatyn. Qurylǵynyń múmkindigi zor. Atalǵan apparattardy bir táýlikte jetkizip, kómek kórsetken demeýshige aýdan turǵyndary atynan jáne dárigerler atynan aıtar alǵysymyz sheksiz. Endi dárigerler emdelýshilerge ottegi konsentratorynyń kómegimen ýaqytyly járdem kórsete alady, – dedi Ortalyq aýdandyq aýrýhananyń dırektory Qaırat Erjanov.

Aýdandyq aýrýhanada alǵashynda 35 provızorlyq, 35 observasııalyq oryn bolǵan, qazir bul 90 orynǵa deıin kóbeıtildi. Indetpen kúreske 100-ge jýyq medısına qyzmetkerleri jumyldyryldy. 

Aıdar QALIEV

Almaty oblysy

Ilmek sózder: Almaty oblysy jomarttyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir