29 Shilde, 2020 NEWS

Aqsýlyq kásipkerler dárigerlerge qoldaý kórsetti

Foto avtordiki

Juqpaly indettiń jappaı taralýyna baılanysty qazir ınfeksııamen kúresýge medısına qyzmetkerlerimen birge eriktiler de jappaı jumyla bastady.

Atap aıtsaq, Almaty oblysy Aqsý aýdany B.Syrttanov aýylynyń jeke sharýalary Dastan О́mirzaquly, Erbolat Tasbolat, Qalqaman Samalbek, Ulan Muqataev jáne aýyl kásipkerleri aýyldyq okrýgke qarasty B.Syrtanov aýyly men Qopa aýylyndaǵy 40 otbasyǵa 50 lıtr qymyz berdi. Sonymen qatar, Aqsý aýdandyq ortalyq aýrýhanasynda jatqan naýqastarǵa 1 qoıdyń eti men 50 lıtr qymyz taratty.

Aýdandyq ortalyq aýrýhananyń provızorlyq jáne juqpaly aýrýlar bóliminde qyzmet etetin 64 medısına qyzmetkerleri eki aıdan beri E.Sıhymov atyndaǵy mektep-ınternatynyń jatahanasyna ornalasqan bolatyn. Basty maqsat turǵyndardyń jáne aq halatty abzal jandardyń otbasylaryn, jaqyndaryn saqtaý. Olarǵa qolaıly jaǵdaı jasaý. Osyǵan oraı, Qyzylaǵash, Aqsý, Oıtoǵan, Qaragóz, Jańalyq, Qarashilik, N. Esebolatov, I. Jansúgirov aýyldaryndaǵy azamattardyń uıymdasýymen 600 myń teńge qarajat jınap, indetpen kúresip júrgen ah halatty abzal jandarǵa azyq-túlik, jemis-jıdek, qoı eti men qymyz aparyp berdi. Keń júrekti aýyl azamattarynyń qaýipti indet kezinde aýdan jurty úshin atqarǵan ıgilikti isteri kóz qýantady. Árdaıym qaıyrymdylyq jasap, qolyndaǵysyn bólip berýge daıyn turatyn jomart jandar aýdanda az emes. Jomart jandar ıgilikti shara áli de jalǵasyn tabatyndyǵyn jetkizdi.

Aıdar QALIEV

Almaty oblysy

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir