• USD 468.56

  • EUR 497.56

  • RUB 7.3

  • CNY 67.18

29 Naýryz, 18:02:14
Almaty
+35°

Dúnıejúzilik densaýlyq saqtaý uıymy COVID-19 taralýynyń maýsymdyq sıpaty joq jáne aýa raıynyń ózgerýimen de baılanysty emes ekenin aıtty. Vırýstyń taralýyn barlyǵyna belgili qarapaıym ǵana sharalardy qoldanyp qana toqtatýǵa bolady, sonyń biri – áleýmettik qashyqtyqty saqtaý, dep habarlady BUU jańalyqtar ortalyǵy.

– Vırýstyń taralýyna jyl mezgili áser etetinine senýge ázirge negiz joq. Onyń adamdar kóp jınalatyn, fızıkalyq qashyqtyq saqtalmaıtyn jerde taralatyny belgili, – dedi doktor Margaret Harrıs.

DDSU-ǵa kelip túsken málimetterge qaraǵanda, búginde COVID-19 vırýsyn juqtyrýdyń 16 301 736 oqıǵasy rastalyp, odan 650 069 adam kóz jumdy.

Pandemııanyń oshaǵy – Soltústik jáne Ońtústik Amerıka, onda 8,7 mln oqıǵa tirkeldi. Ekinshi orynda Eýropa – 3,2 mln, odan keıin Ońtústik-Shyǵys Azııa (1,8 mln), Shyǵys Jerorta teńizi elderi (1,5 mln), Afrıka – 712 920 jáne Batys Tynyq muhıty aımaǵy 291 993 tur.

Margaret Harrıs Jenevada ótken baspasóz konferensııasy kezinde COVID-19 vırýsy maýsymdyq sıpatqa ıe degen pikirdi joqqa shyǵardy.

– Mysaly, qazirgi kezde jaz mezgili bolyp jatqan AQSh-ta indet órship tur, aýrý juqtyrýdyń eń kóp oqıǵasy sonda tirkelgen, – dedi Harrıs.

Harrıstiń aıtýynsha, qys túsken ońtústik jarty sharda "qyzyq" jaǵdaı qalyptasqan. Onda maýsymdyq tumaý emes, COVID juqtyrýdyń joǵary kórsetkishi tirkelgen.

– Ońtústik jarty sharda tumaý keshirek bastalady dep oılaımyz. Klımaty birqalypty elderde tumaý vırýsy "maýsymaralyq" jaǵdaıǵa oralǵan, – dedi Harrıs.

Ázirge elderge bir ýaqytta eki vırýs – COVID-19 jáne tumaýmen kúres júrgizý kerek bolsa, jaǵdaıdyń qalaı qalyptasatynyn boljap aıtý qıyn.

– Respıratorlyq aýrý deńgeıi joǵary jerde ekinshisi tarala bastasa, densaýlyq saqtaý júıesine úlken júkteme túsedi, – dep tolyqtyrdy Margaret Harrıs.

COVID-19-ǵa testileý aqyly bolý kerek pe degen suraqqa DDSU ókili bul sheshimdi elderdiń ózderi qabyldaýy kerek ekenin aıtty.

– Eger siz test jasamasańyz, onda biz aýrýdyń qaıda bolǵanyn bilmeımiz. Biz sondaı-aq barlyq elderdi testileý aýqymyn jáne oǵan qol jetimdilikti keńeıtýge shaqyramyz, – dedi ol.

"Qamshy" silteıdi
Ilmek sózder: COVID-19 Koronavırýs

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir