29 Shilde, 2020 NEWS

1300-den astam almatylyq qurban shalýǵa onlaın ótinish bergen

qamshy.kz

Almatyda 1300-den astam adam Qurban-2020 onlaın platformasy arqyly qurbandyqqa shalynǵan maldyń etin alýǵa ótinish bildirgen. Bul týraly Almaty qalasynyń óńirlik kommýnıkasııalar qyzmetiniń onlaın brıfınginde Bostandyq aýdanynyń Baıken meshitiniń bas ımamy Danııar Jumabaev habarlady.

– Búgingi tańda 1305 adam qurbandyqqa shalynǵan etti onlaın platforma arqyly alýǵa ótinish bildirgen,– dedi Danııar Jumabaev.

Onyń aıtýynsha, qala turǵyndarynan qurbandyqqa 49 qoı, 18 eshki jáne 8 basqa maldy shalýǵa ótinish túsken. Qurban shalynǵan etter muqtaj jandarǵa taratylyp beriledi.

Qurbandyq shalýǵa jáne muqtaj, az qamtylǵan turǵyndardyń ótinishterin alý saıtta 24-30 shilde aralyǵynda júrgiziledi.

Qalanyń bas memlekettik sanıtar dárigeriniń qaýlysyna sáıkes, koronavırýs ınfeksııasynyń taralýyn boldyrmaý maqsatynda qurban aıt merekesine qurbandyq shalý onlaın formatta ótedi. Qurban shalýǵa jáne soıylǵan qurbandyq malynyń etin alýǵa ótinish berý úshin Qurban-2020 onlaın platformasy qurylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir