Áleýmettik jelide Shymkent turǵyny qalany dezınfeksııalap jatqan áskerılerdiń arnaıy dezınfeksııalyq suıyqtyqtyń ornyna sýdy paıdalanyp júrgenin aıtyp, vıdeo jarııalady.

Vıdeony túsirip turǵan kelinshek dezınfeksııa jasap júrgenderge alǵys aıtaıyn dep shyǵyp, suıyqtyqtan eshqandaı ıis shyqpaıtynyn baıqaǵan. Artynsha suıyqtyqtyń jaı ǵana sý ekeni belgili boldy.

Vıdeodan turǵynnyń dezınfeksııalyq sýmen qolyn, betin jýyp, suıyqtyqtyń qarapaıym sý ekenin aıtqanyn kórýge bolady.

"Nege sender qarapaıym sý seýip júrsińder. Men mine, betimdi jýdym, kózimdi jýdym. Halyqty nege aldap júrsińder? Halyqty mazaq qylyp bittińder. Uıalmaısyńdar ma!" deıdi qala turǵyny.

Kadr syrtynan dezınfeksııamen aınalysyp júrgenderdiń boǵaýyz sóz aıtyp, turǵyn týraly "qaıdan shyqqan bireý" degeni estiledi.

Sýdy seýip júrgen áskerı formadaǵy adam suıyqtyqty ákimshilikten alǵanyn aıtyp, ózderin tanystyrýdan bas tartty.

Qamshy portaly Túrkistan oblysy ákiminiń jáne Shymkent qalasy ákiminiń atyna resmı saýal joldap, oqıǵaǵa túsinik berýin, dezınfeksııalyq jumysqa qansha qarajat bólingenin suraıdy.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir