29 Shilde, 2020 NEWS

Aqmola oblysynda órtten úsh bala qaıtys boldy

qamshy.kz

Búgin, saǵat tańǵy 05:19-da Aqmola oblysy Atbasar aýdanynyń Hrıashevka aýylynda túrǵyn úıden órt shyqty. Bul týraly Qazaqstannyń ishki ister mınıstrliginiń tótenshe jaǵdaılar komıteti habarlady.

Komıtettiń habarlaýynsha, 7 adamnan turatyn otbasynyń 1979, 1981 jyly týǵan ata-anasy jáne 5 balasy bolǵan. Olar 2004, 2005, 2007, 2008 jyldary týǵan uldar men 2012 týǵan qyz bala.

Atbasar qalasynyń №4 mamandandyrylǵan órt sóndirý bóliminiń qyzmetkerleri kelgenge deıin ata-anasy men 2004, 2012 jyly týǵan eki bala synǵan terezeden ózdiginen shyqqan. О́rt kezinde úıdiń tóbesi qulaǵan.

О́rt saǵat 08:25-te sóndirildi. Úıindilerdi tazalaý jumystary júrgizilip jatyr. О́rttiń ornynan úsh balanyń máıiti tabyldy. 

Tótenshe jaǵdaı departamentinen órtti sóndirýge 12 qyzmetker men 2 tehnıka, erikti túrde órtti sóndirýge tartylǵan uıymdardan 3 adam men 3 tehnıka jumyldyryldy. Sondaı-aq  aýdandyq polısııa bóliminiń kezekshi jedel-tergeý toby jumys istep jatyr.

О́rttiń sebebin anyqtaý úshin Kókshetaý qalasynan mamandar jiberildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir