28 Shilde, 2020 NEWS

N. Nyǵmatýlın: Májilis depýtattary aımaqtarda jumystaryn jalǵastyrýda

Sýretti túsirgen: J. Quspanov

Májilis Tóraǵasy Nurlan Nyǵmatýlınniń pikirinshe, Parlament sessııasy aıaqtalǵannan keıin dástúrli túrde uıymdastyrylatyn depýtattardyń aımaqtardaǵy jumysy bıyl erekshe mańyzǵa ıe.

Qazir tek Qazaqstanda ǵana emes, búkil álemde oryn alǵan koronavırýs indeti barlyq qyzmet salalarynda, onyń ishinde depýtattardyń jumysyna óz áserin tıgizdi.

Májilis Tóraǵasy Nurlan Nyǵmatýlın jyl saıyn depýtattardyń dástúrli túrde uıymdastyrylatyn aımaqtarǵa sapary ózgerip, Májilis depýtattary óńirlerde qoǵamdyq baqylaý aıasynda koronavırýs indetimen kúreske aralasyp júrgenin aıtty.

«Parlamenttik demalys» - bul qalyptasqan túsinik. Sebebi, jumys jalǵasýda.Tek jumys barysy Parlament qabyrǵasynan aımaqtarǵa aýysty.Bıyl biz májilismenderdiń dástúrli kezdesýleriniń formatyn ózgerttik. Basty maqsatymyz saqtaldy. Ol - elimizdiń barlyq shet jáne shalǵaı aýylaryna barý. Depýtattar Qoǵamdyq baqylaý aıasynda dárihanalar jelilerine monıtorıng júrgizip, aýrýhanalardy aralady. Halyqty qajetti dári-dármektermen qamtamasyz etýdi baqylaýǵa alyp, dárigerlerdiń jumys jaǵdaılarymen tanysty. Májilismender gýmanıtarlyq kómektiń jetkizilýi men taratylýyn qadaǵalap,kómekke muqtaj turǵyndardyń ótinishterin qabyldady. Depýtattar volonterlik ortalyqtardyń jumysyna da belsendi qatysýda. Búgingi tańda májilismenderdiń belsendi jumysyn áleýmettik jelilerden baıqaýǵa bolady. Bizdiń kóptegen áriptesterimiz Facebook-tegi paraqshalarynda aımaqtardaǵy jumystary týraly únemi jarııalap otyrady. Mysaly, depýtattar Nurtaı Sabılıanov, Snejanna Imasheva, Azat Perýashev, Aıgúl Nurkına, Gúlnar Bıjanova, Irına Smırnova, Záýresh Amanjolova, Aıqyn Qonyrov, Magerram Magerramov, Nurjan Altaev, Merýert Qazbekova jáne basqalar, - dep atap ótti Nurlan Nıgmatýlın.

Sonymen birge, Májilis Tóraǵasy depýtattar qaıyrymdylyq kómek kórsetip jatqandyǵyn, sondaı-aq, halyqqa qoldaý kórsetý úshin qaıyrymdylyq jobalaryna qatysyp jatqandaryn da aıtty.

Májilis Tóraǵasy sessııa barysynda depýtattar Memleket Basshysy Qasym-Jomart Toqaevtyń koronavırýstyń taralýyna qarsy turý, indet kezinde jáne jalpy eldiń daǵdarysqa qarsy damýy jónindegi bastamalaryn zańnamalyq qoldaýdy qamtamasyz etý maqsatynda zańnamaǵa birqatar túzetýler qabyldaǵanyn atap ótti. Bul eń aldymen, salyq salý jáne áleýmettik tólemder máselelerine qatysty.

Sonymen birge, Nurlan Nyǵmatýlın qazir áleýmettik jelilerde depýtattardyń shetelde demalyp júrgeni týraly aqparatqa nazar aýdardy.

- Qazir áleýmettik jelilerde keıbir áriptesterimizdiń shetelde demalyp jatqandyǵy týraly aqparat qyzý talqylanýda. Charterlik reıs uıymdastyrylǵan degen jalǵan aqparat ta tarady. Sondyqtan, men bul aqparattyń shyndyqqa sáıkes kelmeıtinin anyq jáne naqty aıtqym keledi. Qazirgi kezeńde barlyq depýtattar elde, halyqqa osy qıyn kezeńnen ótýge kómektesýde. Bizdiń kóptegen áriptesterimizdiń ózderi aýyrdy. Keıbiri jaqyndarynan aıryldy. Biraq, osy qıyndyqtarǵa qaramastan, bizdiń aımaqtardaǵy jumysymyz jalǵasýda. Bul aldaǵy Parlament sessııasynda qajetti zańnamaǵa ózgerister engizý kerektigin taldaýǵa múmkindik beredi. Qazirdiń ózinde zańnamalyq qorjynda ondaǵan jańa zań jobalary bar, - dedi Májilis Tóraǵasy.

Sonymen qatar, Nurlan Nyǵmatýlın Májilis depýtattarymen qatar, qazir aımaqtarda Senat depýtattary jumys istep jatqandyǵyn atap ótti.

- Barsha qazaqstandyqtarǵa densaýlyq, amandyq jáne sabyrlylyq tileımin. Biz birligimizdiń arqasynda bul qıyndyqtan ótemiz dep senemin, - dedi Májilis Tóraǵasy Nurlan Nyǵmatýlın.

Májilistiń baspasóz qyzmeti

Ilmek sózder: májilis jumys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir