28 Shilde, 2020 Aqtóbe oblysy

Ońdasyn Orazalın azyq-túlik baǵasyn qadaǵalamaı salǵyrttyq tanytqandardyń jumysyn synǵa aldy

Ońdasyn Orazalın

Búgin Aqtóbe oblysynyń ákimi Ońdasyn Orazalınniń tóraǵalyǵymen apparattyq jıyn ótti. Oblys ákiminiń orynbasarlary, departament, basqarma basshylary, selektorlyq rejımde qala, aýdan ákimderi qatysty. Aımaq basshysy aldymen Úkimet otyrysynda kóterilgen máselelerdiń Aqtóbe óńirinde júzege asyrylýyn pysyqtady. Oblysta pnevmonııadan emdelip shyqqandar sany artqan. Sonymen qatar, oblys ákiminiń orynbasary Amanǵalı Berdalın áleýmettik mańyzy bar azyq-túlik taýarlarynyń baǵasyn turaqtandyrý boıynsha atqarylǵan jumystarǵa toqtaldy. qamshy.kz

2020 jyldyń 1-shi jarty jyldyǵynda óńirde QR boıynsha baǵanyń eń tómen ósýi baıqalyp, ınflıasııa 103,3% qurady. Azyq-túlik taýarlary boıynsha 107,8% Azyq-túlik emes taýarlar 102,6%, aqyly qyzmetter boıynsha 98,1%. Statıstıka departamentiniń málimetterine sáıkes ótken aptamen salystyrǵanda áleýmettik mańyzy bar, kartop 18%, basty pııaz 3%, ósimdik maıy 0,2% jáne taýyq eti 3,8% baǵasy tómendegen. Degenmen, óndirýshilerdiń bosatý baǵasynyń ózgerýine baılanysty azyq-túlik ónimderiniń baǵasy 7,9%-ǵa qymbattaǵan. Bıdaı baǵasynyń ósýine baılanysty un tartý kásiporny «Jańa-Aldjan un kombınaty» un baǵasyn 1 maýsymnan bastap 13%-ǵa qymbattatqan. Oblys ákimi baǵany negizsiz ósirgenderge shara qoldanbaǵan Aqtóbe oblysynyń básekelestikti qorǵaý jáne damytý departamenti basshylyǵynyń dármensizdigin synǵa aldy.
«Eń mańyzdy sanalatyn azyq-túlik baǵasy nege qadaǵalanbaıdy? Jáne baǵany ósirýdiń aldyn-alý úshin qajetti sharalardy qabyldamaı álsizdik kórsetip otyrsyzdar. Osy másele boıynsha tıisti jumystar jasalsyn»,-dedi Ońdasyn Orazalın.
Aqtóbe qalasy jáne oblys aýdandary ákimdikteriniń kúndelikti monıtorıngine sáıkes aǵymdaǵy jyldyń 30 maýsymynan 24 shildesine deıingi aralyqta Shalqar aýdanynda 11 pozısııada, Qobda – 8, Oıyl jáne Hromtaý- 7, Aqtóbe q, Alǵa jáne Baıǵanın aýdandarynda 6 pozısııadan baǵa joǵarylaǵan.
О́ńirde áleýmettik mańyzy bar 19 azyq-túliktiń 15 túri óndiriledi. 2020 jyldyń 20 shildesinde Aqtóbe qalasynda baǵany turaqtandyrý maqsatynda usaq kóterme saýda ortalyǵy ashyldy. Qalada 1-qyrkúıekke deıin mundaı ortalyq sanyn 20 ǵa jetkizý kózdelgen. Aımaq basshysy aýdan ákimderine «Aqtóbe» ÁKK-men birlesip, oblys aýdandarynda osyndaı ortalyqtardy ashý máselesin pysyqtaý qajettigin aıtty.
Oblys ákiminiń orynbasary Meırambek Shermaǵanbet BAQ jáne áleýmettik jelilermen júrgizilip jatqan jumystardy baıandaı kele, Prezıdenttiń «Halyq únine qulaq asatyn memleket» tujyrymdamasyn tıimdi júzege asyrý, turǵyndarmen jan-jaqty keri baılanys ornatý jumystaryn odan ári jandandyrý qajettigin atap ótti. qamshy.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir