28 Shilde, 2020 NEWS

Tramptyń qaıta saılanýy Qytaıǵa paıdaly – Sheteldik sarapshylar

Getty

Sheteldik sarapshylar Tramptyń AQSh-qa ekinshi ret prezıdent bolýy Qytaıǵa paıdaly ekenin málimdedi. Bul týraly Bloomberg jáne CNBC basylymdarynda,y halyqaralyq sarapshylardyń pikirinde aıtyldy.

– Tramp ákimshiliginiń is-áreketi saldarynan AQSh saıasatkerleriniń túrli toptarǵa bólinýi jáne Tramp ákimshiligine degen halyqaralyq deńgeıdegi teris kózqarastar Beıjińge artyqshylyq beredi, – deıdi Stratfor strategııalyq taldaý ınstıtýtynyń aǵa vıse-prezıdenti Rodjer Beıker. 

Onyń aıtýynsha, Beıjińniń amerıkalyqtardyń ortaq kelisilgen saıasatqa uıysýynan jáne Qytaıdy shekteıtin ortaq kelisilgen halyqaralyq saıasattan qorqady.

– Eger Djo Baıden saılansa, meniń oıymsha, bul Qytaı úshin qaýipti bolýy múmkin, óıtkeni ol Qytaıdy nysanaǵa alý úshin odaqtastarmen jumys isteıdi, al Tramp AQSh odaqtaryn joıyp jiberedi, – deıdi Qytaıdyń burynǵy saýda kelissózshisi jáne Jenevadaǵy Qytaıdyń burynǵy ókiliniń orynbasary Chjoý Sıaomıng.

Bloomberg-tyń jazýynsha, Qytaıdyń ózge tórt sheneýnigi de Tramptyń jeńisi Vashıngtondy tipti de álsiretip, Beıjińge jaqsylyq ákeletinine senedi.

"Tramptyń kelesi tórt jyldyq prezıdenttigi de daý-damaıǵa toly bolsa, Qytaıdyń Shyǵys Azııada jáne álemde yqpalyn keńeıtýine múmkindik beredi" deıdi CNBC basylymy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir