28 Shilde, 2020 Barlyq aımaqtar

iPhone-dy buzýdyń joly tabyldy

Kórneki sýret

Apple kompanııasynyń smartfondary men planshetterindegi prosessordyń osal jeri anyqtaldy. Bul týraly Digitpol kıberqaýipsizdik agenttigi qytaılyq Pangu damytý tobyna silteme jasap habarlady, dep jazady RIA Novostı.

Mundaǵy másele qupııa aqparatty, sonyń ishinde qupııa sózder men bıometrııalyq derekterdi saqtaýǵa jaýapty SEP (Secure Enclave Protection) prosessorymen baılanysty bolyp otyr.

Quraldaǵy aqparatty alý úshin Checkm8 eksploıty paıdalanylady. Ol avtomatty túrde buǵattaý rejıminen aınalyp ótip, gadjettegi qupııa aqparatty ashatyn kodty tabady. Sarapshylar haker quraldaǵy aqparatty alý úshin smartfondy qolyna túsirse jetkilikti ekenin aıtady.

Mamandar Apple kompanııasynyń smartfondary men planshetterindegi defektti baǵdarlamalyq qamtamasyz etý deńgeıinde joıý múmkin emes ekenin aıtady.

Ilmek sózder: iPhone Qupııa aqparat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir