28 Shilde, 2020 Barlyq aımaqtar

Koronavırýs juqtyrǵandar nege ıis sezbeıdi?

Kórneki sýret

Ǵalymdar koronavırýs juqtyrǵan adamdar nege ıis sezý qabiletinen aıyrylatynyn anyqtady. Vırýs ıis sezý neırondaryn zaqymdamaıdy, sondyqtan ıis sezbeý uzaqqa sozylmaıdy, dep habarlady Gazeta.Ru.

Buryn anosmııa koronavırýstyń eń aldyńǵy jáne negizgi belgisi bolatyn. Zertteýlerdiń kóbi bul basqa sımptomdarǵa – ystyq, jótelge qaraǵanda, aýrýdyń bary týraly tez sıgnal beretinin aıtqan. Biraq bul sımptomnyń negizinde jatqan bıologııalyq mehanızmder belgisiz bolyp keldi.

Vırýs muryn qýysynyń joǵarǵy bóligindegi jasýshalardy zaqymdaıdy dep esepteldi. Sodan neırondar ıis týraly mıǵa sıgnal bermeıdi. Biraq zertteý bul boljamdy joqqa shyǵardy.

Ǵalymdar muryn qýysynyń joǵarǵy bóligindegi SARS-CoV-2 vırýsyna tózimdigiligi tómen ıis sezý jasýshalaryn anyqtady. Sóıtse, mıǵa sıgnal beretin jasýshalar olardyń arasynda bul neırondar bolmaı shyqty.

– Biz naýqastardyń koronavırýs juqtyryp, ıis sezý qabiletiniń joǵalýy ınfeksııa juqtyrǵan neırondarmen baılanysty emes ekenin taptyq, – dep túsindirdi zertteý avtory Sandıp Robert Datta.

Bul sol fýnksııaǵa qosalqy jasýshalardyń áserinen bolady.

– Jaqsy jańalyq dep oılaımyn. Sebebi ınfeksııa joıylǵannan keıin ıis sezý neırondary qaıta qalpyna kelýi kerek. Biraq bizge bul qorytyndyny rastaý úshin munyń negizinde jatqan mehanızmderdi túsinetindeı kóbirek derek qajet, – dedi Datta.

Dám jáne ıis sezbeý – COVID-19 vırýsynyń eń keń taraǵan sımptomy. Statıstıka koronavırýs juqtyrmaǵandarǵa qaraǵanda, juqtyrǵan naýqastar osy sezimderdi 27 ese jıi joǵaltatynyn kórsetti. Sondaı-aq ıis jáne dám sezý birneshe aptadan keıin ǵana qalpyna keletini aıtylǵan. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir