Mańǵystaý oblysynda karantınde toı jasaǵandar ustaldy

25 shildede Mańǵystaý oblysy Qaraqııa aýdanynyń turǵyny karantın kezinde aýlasynda toı jasaǵan. Bul týraly Polisia.kz habarlady.

Portaldyń habarlaýynsha, toıǵa 100-den asa adam jınalǵan. Al aımaqtyń bas sanıtar dárigeri adam kóp jınalatyndyqtan, mundaı sharalardyń ótilýine tyıym salǵan.

Karantın talaptaryn buzǵany úshin toı ıesine Qazaqstannyń ákimshilik quqyq buzýshylyqtar týraly kodekstiń 462-baby, 3-bóligi boıynsha ákimshilik hattama toltyryldy. Materıaldar is júrgizý sheshimin qabyldaý úshin aýdandyq sotqa jiberildi.

Mańǵystaý oblysynyń polısııa ókilderi turǵyndardan karantın erejelerin saqtap, qorǵaný quraldaryn qoldanýdy suraıdy.