3 tamyzdan bastap qandaı shekteý sharalary alynady?

Búgin úkimettiń kezekti otyrysynda eldegi epıdemıologııalyq jaǵdaı jáne koronavırýs ınfeksııasyna qarsy kúres sharalary qaraldy.

Densaýlyq saqtaý mınıstri Alekseı Soı karantındik shekteý sharalary engizilgennen bastap 3 apta ishinde KVI-ǵa shaldyǵýdyń 35 951 jańa jaǵdaıy tirkelgenin málimdedi. Indettiń taralýy 29%-ǵa tómendegen.

– COVID-19-ben aýyrý jaǵdaıy orta eseppen táýligine 1600 adam deńgeıinde turaqtandy. Sondaı-aq kereýetterdiń bos bolmaýy 43%-ǵa, onyń ishinde 27%-ǵa tómendeýi baıqalady. Saýyǵyp ketkenderdiń sany 63%-ǵa deıin ósti. Osylaısha, densaýlyq saqtaý júıesine júktemeniń negizgi kórsetkishteriniń tómendeýine qol jetkizildi, –  dedi A. Soı. 

Onyń sózinshe, karantın nátıjesinde ınfeksııanyń reprodýktıvtik kórsetkishi 1,2%-dan 0,99%-ǵa deıin, tósek-oryndardyń qamtylý paıyzy 90%-dan 47%-ǵa deıin tómendegen.

Epıdemıologııalyq ahýaldyń jaqsaryp kele jatqanyna baılanysty karantın sharalary kezeń-kezeńmen alynady.

Dese de áli qeńselerdie qyzmetkerlerdiń 80 paıyzy qashyqtan jumys isteýi kerek, oqýshylar men stýdentter qashyqtyqtan oqıdy.

Buqaralyq is-sharalardyń barlyq túrlerine tyıym salý.

Sondaı-aq 3 tamyzdan bastap tósek-oryndardyń qamtylý kórsetkishi 70%-dan az jáne ólim-jitim deńgeıi tómendegen kezde kúsheıtilgen sanıtarlyq-dezınfeksııalyq rejımdi, maska taǵý jáne áleýmettik ara qashyqtyqty saqtaı otyryp keıbir nysandardyń jumysyna ruhsat etiledi.

• Ýaqyty men kúnder boıynsha shekteýlermen saýda-oıyn-saýyq ortalyqtary, saýda úıleri, saýda jelileri, jabyq azyq-túlik, azyq-túliktik emes bazarlar;

• Balalarǵa arnalǵan túzetý kabınetteri, bilim berý ortalyqtary, balalardy damytý ortalyqtary, toptarda 5 adamnan aspaıtyn úıirmeler;

• Kezekshi toptar rejımindegi mektepke deıingi balalar mekemeleri;

• sulýlyq salondary, shashtarazdar, kosmetıkalyq jáne kosmetologııalyq qyzmet kórsetetin ortalyqtar men salondar, aldyn ala jazylý boıynsha manıkıýr jáne pedıkıýr salondary;

• Qashyqtyqtan jumys isteý formasy memlekettik organdardyń (uıymdardyń) qyzmetkerleri men keńse qyzmetkerleriniń keminde 80%-y úshin saqtalýy tıis.

Densaýlyq saqtaý mınıstri áleýmettik qashyqtyqty saqtaı otyryp, ashyq aýada jeke jáne toptyq jattyǵýlar jasaýǵa ruqsat etiletinin atap ótti.

Sondaı-aq ulttyq quramalar úshin 30 adamnan aspaıtyn qurammen sporttyq jattyǵýlar jasaýǵa bolady.

Halyqtyń júrip-turýyna qatysty mynadaı talaptar saqtalady:

• Kóshelerde júrý, saıabaqtarǵa, skverlerge jáne jaǵalaýlarǵa barý 3 adamnan aspaýǵa tıis;

• Qoǵamdyq kólikte maska taǵý mindetti, sanıtarlyq-dezınfeksııalyq rejım saqtalyp, kondýktorlar bolýy kerek. Ýaqyt boıynsha shekteýlerdi saqtaı otyryp jáne jolaýshylardy 50%-dan asyrmaı jumys isteýine ruqsat.

Sonymen qatar tómendegi qyzmet túrlerine shekteý saqtalady:

• kópshiliktiń qatysýymen ótetin is-sharalardyń barlyq túrlerine, oıyn-saýyq mekemeleriniń, kınoteatrlardyń, fýdkorttardyń, banket zaldarynyń jumysyna;

• meıramhanalar, barlar, túngi jáne oıyn klýbtarynyń jumysyna;

• mádenıet nysandarynyń, mýzeılerdiń jumysyna, konferensııalar, kórmeler, forýmdar ótkizýge;

• sport zaldarynyń, fıtnes-ortalyqtardyń, basseınderdiń, akvapark jaǵajaılarynyń jumysyna;

• dinı nysandar jumysyna;

• qala mańyndaǵy jolaýshylar poıyzdarynyń  qozǵalysyna, qalaaralyq avtobýstardyń qozǵalysyna