27 Shilde, 2020 Barlyq aımaqtar

"О́lgen balamnan qorqyp otyr ma?". Marqum Dýlat Aǵadildiń anasy Toqaevqa vıdeoúndeý joldady

Fotokollaj

Qoǵam belsendisi bolǵan marqum Dýlat Aǵadildiń anasy Prezıdent Qasym-Jomart Toqaevqa vıdeoúndeý joldady. Gúlbarash Jolmuhambetova Qurban aıt merekesin onlaın túrde ótkizý durys emestigi jaıly, sonymen qatar pandemııa kezinde halyqqa berilip otyrǵan áleýmettik kómek týraly sóz qozǵady. Beınejazbany Youtube jelisine Naǵyz Qazaq arnasy jarııalady.

"Keshe Facebook jelisinde bas múftı qurban aıttyń onlaın ótetinin aıtty. "Bolmaıdy" dedi. Ol nege bolmaıdy. О́zi jylyna bir keletin merekeni qalaı onlaın ótkizedi. Men úkimetti túsinbeımin. Bul – bizdiń qazaqtyń dástúri. Burynǵy atalarymyz biriniń úıine biri baryp osy merekeni toılaǵan bolatyn. Toılanbaýy kerek bolsa, sizder nege keshe Nazarbaevtyń týǵan kúnin toıladyńyzdar? 6 shilde kúni bizdiń Arqalyqta 15 adam jerlenip jatty. Qalyń qara qazaq qara jamylyp otyrdy. Bir-biriniń batasyna bara almaı, úıinen shyǵa almaı otyrǵanda sizder otshashý jasap, toı toıladyńyzdar. Keshe men balamnyń asyn beremin dep úıge adam jınap edim, jer betindegi OMON-dardyń bári bizdiń esik aldynda boldy. Sanepıdemstnasııadan adamdar keldi. Odan qala bere tańǵa deıin polıseıler bizben júrdi. Tóbemizden túsirip turdy. Bul ne degen qasıetsizdik. Sonda meniń ólgen bir balamnan qorqyp otyr ma. Judyryqtaı bir balamnan qorqyp qanshama qyzmetkerdi bizdiń sońymyzǵa salyp otyrǵan úkimet. Dýlat aıtatyn edi "meniń artyma salyp qoıǵan adamdardyń aqshasyn nege jetim-jesirge bermeıdi" dep. Sony men endi túsindim. Qanshama mashına keldi. Olar ár jerde turdy. Olarǵa aqsha berip bizdi ańdytqansha, 42500 teńgeni bermeıdi me durystap. Ony birine berse, birine bermeıdi. Mysaly, men zeınetkermin, ádeıi 1414-ke habarlastym. Maǵan bersin dep, al olar bermeımiz deıdi. Jaraıdy bermeı-aq qoısyn, men oǵan qarap turǵan joqpyn. Basqalarǵa durystap úlestirip bersin. Odan bólek 5500 tólenedi deıdi. Bul ne masqara. Toqaev myrza! Siz ózińiz keldińiz bılikke. Artyq aıtsam renjimeńiz. О́zińiz kelgennen keıin siz bizge jaýap berý kereksiz. Siz halyqtan laıyqty at ala almadyńyz. Sizden sonda ne úmit, ne qaıyr?" delingen vıdeoda. 

Azamattyq belsendi Dýlat Aǵadil 25 aqpan kúni Aqmola oblysyndaǵy tergeý ızolıatorynda qaıtys bolǵan.

 

Ilmek sózder: toqaev dýlat aǵadil

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir