27 Shilde, 2020 NEWS

Polısııa qyzmetkeri pedofıldi ustaǵany úshin "Aıbyn" ordenimen marapattaldy

Ashyq derekkóz

Almatyda pedofıldi ustaǵan polısııa maıory Baqytjan Bákirov Qazaqstan prezıdentiniń jarlyǵymen II dárejeli "Aıbyn" ordenimen marapattaldy. Bul týraly Polisia.kz habarlady.

"Qyzmettik boryshyn oryndaý kezinde kórsetken erligi men janqııarlyǵy úshin Ishki ister mınıstrligi Almaty qalasy polısııa departamenti Túrksib aýdandyq polısııa basqarmasynyń jedel ýákili Baqytjan Ánýarbekuly Bákirov II dárejeli "Aıbyn" ordenimen marapattalsyn" delingen jarlyq mátininde.

11 shildede Túrksib aýdanynda bolǵan. Pokrovskaıa kóshesindegi úıde ury tórt jasar er bala men 15 jastaǵy ápkesin pyshaqpen qorqytyp, 17 myń dollardy ıemdengen. Sodan keıin qylmysker jasóspirim qyzǵa zorlyq-zombylyq áreketterin jasaǵan. Keıin ál-Farabı dańǵylyndaǵy úıde jasyrynǵan kúdikti polıseıden qashyp, turǵyn úıdiń joǵarǵy qabatynan sekirip ketken. Polısııa qyzmetkeri Baqytjan Bákirov qylmyskerdiń sońynan 13-qabattan sekirip, tabanyn taıdyryp alǵan edi.

Ustalǵan kúdikti kámeletke tolmaǵan jasóspirimdi tonaý jáne zorlaý faktisi boıynsha aıyptalýda. Almaty qalasynyń polısııasy ony tórt kún boıy izdestirip kelgen. Polısııa maıory Baqytjan Bákirovtiń aıaǵyna úsh ret operasııa jasaldy.

Ilmek sózder: pedofıl

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir