23 Shilde, 2020 NEWS

"COVID-19 sımptomdary bar 7700 pasıentke stasıonarlyq emdeýdi bir mezgilde qamtamasyz etý josparlanýda"

Ashyq derekkóz

Kúzde COVID-19 sımptomdary bar 7700 pasıentke stasıonarlyq emdeýdi bir mezgilde qamtamasyz etý josparlanýda. Bul kúzgi-qysqy kezeń bastalǵanǵa deıin qosymsha tósek-oryndarǵa qajettilik ósken jaǵdaıda aldyn-ala jasalady. Bul týraly «Almaty» telearnasynda ótken Akimat Live baǵdarlamasy barysynda qala ákimi Baqytjan Saǵyntaev málimdedi.

Belgili bolǵandaı, pandemııany toqtatýdyń eń tıimdi eki joly bar – bul qoldanystaǵy shekteý sharalary jáne tósek-oryn sanyn arttyrý. Pandemııa bastalǵaly beri ınfeksııalyq stasıonarlardyń sany 2-den 26-ǵa deıin (500 tósek-orynnan 6096 deıin) ósti. Kúzde COVID-19 sımptomdary bar 7700 pasıentke stasıonarlyq emdeýdi bir mezgilde qamtamasyz etý josparlanýda.

«Aldaǵy kúnderi jańa kovıdtik stasıonarlar engiziletin bolady. Olardy aldyn-ala sanıtarlyq-epıdemıologııalyq aýdıtten ótken, densaýlyq saqtaý obektileriniń bazasynda ashatyn bolamyz. Qazirgi ýaqytta jaýapty mamandar qurylys jumystaryn júrgizýde. Olardyń ishinde 250 tósektik "Qazaqstan", 376 tósektik "Kóktem", 140 tósektik "Samal" pansıonaty, 230 tósektik "Astana" qonaq úıi, 360 tósektik QazATK jataqhanasy, 100 tósektik UOS múgedekterine arnalǵan respýblıkalyq klınıkalyq gospıtal, 500 orynǵa shaqtalǵan Arnaýly áleýmettik qyzmet kórsetý ortalyǵy bar. Bul jańa stasıonarlar jumys istep turǵan nysandarǵa qosymsha tamyz aıynyń sońyna deıin kezeń-kezeńimen iske qosylatyn bolady», — dep atap ótti B. Saǵyntaev.

Sonymen qatar ákimdik ana men balanyń densaýlyǵyn qorǵaýǵa erekshe kóńil bóledi. Barlyq áıel-ananyń búgingideı pandemııa kezeńinde qaýipsiz jaǵdaıda bosanýy, bosanǵanǵa deıin jáne bosanǵannan keıin de úzdiksiz kútimde bolýy asa mańyzdy.

Qalada 45 tósektik №4 perzenthana jumys isteıdi. Jaqyn arada osy perzenthananyń 60 tósek-orynǵa arnalǵan jańa korpýsy iske qosylady. Sonda mundaǵy jalpy oryn sany 105-ke jetedi.

Pasıentterdi shuǵyl ornalastyrý úshin ýaqytsha stasıonarlar bolý múmkindigi bar degen obektilerge kúndelikti monıtorıng júrgiziledi.

«Búgingi tańda biz buǵan deıin eshqashan jasalmaǵan sharalardy qolǵa aldyq. Shuǵyl ári óte qysqa merzimde aýqymdy jańa stasıonarlar ashyp, olardy qajetti barlyq tehnıkamen jabdyqtaýdamyz. Ǵımarattardyń bólmelerin qaıta josparlap, shlıýzder men oqshaýlanǵan bokstar qurylýda. Barlyq deńgeıdegi medısınalyq kómek kórsetýdiń tıimdiligin arttyrý úshin densaýlyq saqtaý júıesine ózgerister engizýdemiz», — dedi qala ákimi.

Aıta keteıik, megapolıste qosymsha tósek-oryndar jasaqtaý, qalanyń barlyq kadrlyq rezervin jumyldyrý jumystary júrgizilýde. Búgingi tańda pandemııamen kúrestegi aldyńǵy shepke 4464 medısına qyzmetkeri (2681 dáriger men orta medısına mamandary) jumyldyryldy. 1526 mamannan (dárigerler – 246, orta qyzmetkerler – 1009, kishi medısınalyq qyzmetkerler jáne basqalary – 145, volonterler – 106) kadrlyq rezerv jasaqtaldy. Barlyǵy 328 adam jumysqa ornalastyryldy (onyń ishinde 96 dáriger, 160 orta medısına qyzmetkeri, 72 kishi medısına qyzmetkeri jáne basqalar).

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir