Aıgúl Orynbek: Pedofılderge "О́lim jazasyn" berýge qarsy emespin

"Qoǵam quqyqtyq qózqarastan alshaqtap barady.

Sońǵy oqıǵalar eldegi quqyqtyq kózqarastan alshaqtap bara jatqanyn ashyq kórsetip otyr. Halyqty jabaıy halge túsirgen jemqorlyqqa batqan júıe! Quzyrly organdarǵa degen senimsizdik! Zańy zańdy túrde oryndalmaıtyn el ǵana osyndaı jabaıy metodqa kóshedi! Sot pen quzyrly organdar zańdy jumys istemegen elde, halyq jazany ózderi bergisi keledi. Ol úshin halyqty kináláp qajeti joq, oǵan jemqorlyq pen sybaılastyq kináli! Ádiletsiz sot pen, jemqorlyq pen sybaılystyqqa batqan tergeý! Kóbinese biz polısııany kinálaımyz, isti jaýyp, qysqartatyn negizi prokýratýra, al aqtaý sheshimin shyǵaratyn sot bolyp tabylady! Sottyń sheshimi shyqpaı jatyp, "men uttym sheship qoıdyq" dep aıtyp júrgen talaı adamdardy kórdim. О́lim jazasyn zańǵa engizý úshin, sot pen tergeý júıesi sybaılasqan jemqorlyqtan taza bolý kerek! Jemqorlyq pen sybaılastyq órship turǵan elde "ólim jazasyn" engizý, óte qıyn jáne oılanyp qabyldaıtyn sheshim. О́zim pedofılderge "О́lim jazasyn" berýge qarsy emespin, ol úshin qoǵam aldynda júrgen zańgerler birlesip jumys isteý kerek. Halyqpen zań jobasyn ashyq talqylaý kerek, sol kezde ǵana biz bir nátıjege jetemiz" delingen jazbada.