21 Shilde, 2020 NEWS

Almatyda aýrýhanadan 10 kúndik bala koronovırýstan tolyq aıyǵyp shyqty

Ashyq derekkóz

Almatyda aýrýhanadan 10 kúndik bala koronovırýstan tolyq aıyǵyp shyqty. Bul týraly qala ákimdiginiń baspasóz qyzmeti habarlady.

Almaty qalalyq balalarǵa arnalǵan klınıkalyq ınfeksııalyq aýrýhananyń bas dárigeri Erjan Seralınniń aıtýynsha, osy jyldyń 20-shy shildesinde qanaǵattanarlyq jaǵdaıda jańa týǵan sábı aýrýhanadan shyǵarylǵan.
Bul týraly COVID-19 emdeý jáne stasıonardy dári-dárimekpen qamtamasyz etý máseleleri týraly Almaty qalasynyń óńirlik kommýnıkasııalar qyzmetiniń alańynda ótken onlaın-suhbat barysynda aıtyldy.

«Keshe biz 10 kúndik náresteni shyǵardyq. Bala perzenthanada dúnıege kelip, bizge birden jetkizildi. Anasy ekeýiniń PTR analızi teris shyǵyp, úıine aman- esen shyǵardyq», — dedi Erjan Seralın.

Pandemııa bastalǵaly Almaty q. balalar klınıkalyq juqpaly aýrýlar aýrýhanasynda 239 bala COVID-19-dan stasıonarlyq emdeýden ótken. Onyń ishinde 230 bala qanaǵattanarlyq jaǵdaıda, oń dınamıkamen shyǵarylǵan. Qazirgi ýaqytta 9 naýqas dárigerlerdiń baqylaýynda emdelýde.

«Olardyń arasynda ortasha jáne aýyr dárejeli pnevmonııamen aýyrǵan balalar boldy. Barlyǵy aman-esen shyǵaryldy, ólim jaǵdaılary tirkelgen joq», — dep atap ótti bas dáriger.

Stasıonarlarda balalarǵa patogenetıkalyq em júrgiziledi. Vırýsqa qarsy preparattar taǵaıyndalmaıdy. Eger ekinshi bir basqa ınfeksııa qosylǵan jaǵdaıda antıbıotıkter balanyń jasyn eskere otyryp, tıisti mólsherde dozasy taǵaıyndalady. Sonymen qatar, orofarınsti sý berý ádisi qoldanyp, ımmýnıtetin kóterý maqsatynda qyzý túsiretin preparattar qoldanylady. Jalpy emdeý sharasy jedel respıratorly vırýstyq ınfeksııalarǵa qarsy baǵyttalǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir