19 Shilde, 2020 NEWS

42500: Almaty ákimdiginde ótinimdi qyzyǵýshylyqtan bere salǵandar týraly aıtyldy

Ashyq derekkóz

Almaty qalasynda tótenshe jaǵdaı kezinde 42 500 teńge kóleminde áleýmettik kómek alýǵa ótinimdi 900 myńǵa jýyq adam bergen. Sonyń ishinde áleýmettik kómekti shamamen 441 myń adam alǵan. Bul týraly Almaty qalasynyń áleýmettik ál-ýqat basqarmasy bastyǵynyń orynbasary Danııar Álkebaıuly málimdedi.

Ol tótenshe jaǵdaı kezinde tólemniń derlik barlyq jumys toqtaǵan kezde taǵaıyndalǵanyn atap ótti.

«О́tken joly tólemge ótinimdi árbir jumysker bergen, biz qosymsha tekserýdi júrgizgen joqpyz. Tólem berilýi tıis adamdardyń barlyǵyna tólem taǵaıyndadyq. Qazirgi kezde keńse, úıde jumys istep júrgen adamdar týraly málimet úshin jaýapkershilik jumys berýshiniń moıynynda», - dep túsindirdi ol.

Onyń aıtýynsha, tabysynan aıyrylmasa da, tólem alý úshin qujat tapsyryp júrgen adamdar da bar. Osyndaı oqıǵalar tótenshe jaǵdaılar kezindegi birinshi lokdaýnda tirkelgen.

«О́tken tólemder kezinde maǵan tabysynan aıyrylmaı, onlaın-rejımde jumys istegen birneshe adam telefon shalǵan. Alaıda olar atalǵan tólemdi alýǵa ótinimdi jiberip, aqshany aldy. Odan keıin rekvızıtter izdep, aqshany qaıda qaıtarý kerek ekenin surap júrgen, bul aqshanyń kerek emesin aıtqan. Olarǵa berilýi tıis emes ekenin aıtty. Aqyry, aqshany qaıtaryp berdi. Qalada aqshany sanaly túrde 16 adam qaıtardy. Meniń bilýimshe, olar boıynsha eshqandaı aryz talaptar usynylǵan joq.

Jalpy alǵanda, cońǵy eki aıda 42 500 teńgeni 441 myńǵa jýyq adam alǵan, bul – 18 mıllıardtan astam teńge.

Tólem alýǵa ótinimdi 900 myńǵa jýyq adam berdi. О́tinimderdiń bir bóligi túrli sebepter boıynsha qabyldanǵan joq: keıbir ótinimder ekinshi ret berilse, ótinim bergen keı azamattar memlekettik mekemelerde jumys istegen, keıbireýleri memlekettiń tolyq qamqorlyǵynda bolǵan. Tipti, qaıtys bolǵan adamdardyń atynan ótinim bergen jaǵdaılar da kezdesti», - dep túsindirdi Danııar Álkebaıuly.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir