19 Shilde, 2020 NEWS

Almatydaǵy birqatar nysandar aýrýhana bolyp qaıta qurylýda

Ashyq derekkóz

Jaıly qalalyq orta basqarmasy (JQOB) indet jaǵdaıynda almatylyqtardyń ómiri men densaýlyǵyn qorǵaý jónindegi is-sharalar josparyn iske asyrý aıasynda, sondaı-aq koronavırýstyq ınfeksııanyń taralýyn boldyrmaý maqsatynda kovıdti naýqastardy emdeýge arnalǵan oryndardyń sanyn keńeıtý úshin birqatar nysandardy qaıta jabdyqtaýda.

Kovıdti aýrýhanalar jumys istep turǵan densaýlyq saqtaý nysandarynyń negizinde qaıta qurylýda. Olar tolyqqandy jumys jasaý úshin sanıtarlyq-epıdemıologııalyq standarttarǵa sáıkes qaıta jabdyqtalǵan.

Taza jáne las ýchaskeler, shlıýzder, dezınfeksııalyq tonnelderdi bóletin araqabyrǵany ornatý, jeldetý júıelerin retke keltirý jáne basqa da jumystar júrgizilýde.

Qazirgi ýaqytta kovıdti aýrýhanalar retinde jumys isteý úshin 15-ten astam densaýlyq saqtaý nysandaryn, sanatorııler men basqa da ǵımarattardy daıyndaý jáne jabyqtaý josparlanýda.

Buryn habarlanǵandaı, Halyk Arena kesheni úshinshi eshelondy stansa retinde jumys isteı bastady.

Tıisti jumystar OQKA, OMIA, MKA-nyń bos ǵımarattarynda júrgizilýde. Sonyń ózinde mekemelerdiń jumysy toqtalmady.

Sonymen qatar, «Qazaqstan», «Kóktem» sanatorııleri jáne basqa da qolaıly ǵımarattar daıyndalady. Bul kezeńde aýrýhanalardyń, baılanys júıeleriniń, ınjenerlik-kommýnıkasııalyq jáne energetıkalyq jelilerdiń aýmaqtaryna taldaý júrgizilip, logıstıka máseleleri pysyqtalýda.

Ilmek sózder: Almaty koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir