18 Shilde, 2020 NEWS

Bostandyq aýdanynda jeke tulǵalarǵa qatysty 76 hattama toltyryldy

Ashyq derekkóz

Bostandyq aýdanynda jeke tulǵalarǵa qatysty 76 hattama toltyryldy: aıyppul engizilgennen keıin karantın tártibin buzý jaǵdaılarynyń azaıǵany baıqalady. Karantın rejımin saqtaýdy baqylaý boıynsha qandaı jumystar júrgizilip jatqanyn óńirlik kommýnıkasııalar qyzmetiniń alańynda ótken onlaın-brıfıng barysynda Bostandyq aýdany ákiminiń orynbasary Serik Ádilbaev aıtty.

Bostandyq aýdanynda ishindegi azyq-túlik sýpermarketterin, dárihanalardy jáne jazǵy terassalary bar stasıonarly tamaqtaný nysandaryn qospaǵanda, 3 SO, 6 SOSO, 1 bazar, 59 fıtnes-ortalyq jáne trenajer zaldary, 144 sulýlyq salondary, 62 monsha (saýna), 6 kınoteatrdyń jumysy toqtatyldy.

«Orbıta» bazary óz qyzmetin jalǵastyrýda, naqtylaı aıtqanda jeńil konstrýksııaly bastyrma astynda ornalasqan saýda qatarlary kúsheıtilgen sanıtarlyq-dezınfeksııalyq rejım men sanıtarly-karantındi talaptardy jáne qyzmetkerler men kelýshiler ustanatyn shekteý sharalaryn saqtaı otyryp bekitilgen grafık boıynsha isteýde. Sondaı-aq jeke turǵan sýpermarketter, dárihanalar, ashyq aspan astyndaǵy jáne ujymdyq sharalar ótkizilmeıtin, zalynda otyrý oryndary 30-dan aspaıtyn ǵımarattar ishindegi qoǵamdyq tamaqtaný nysandaryna jumys isteýge ruqsat berilgen.

«Quramyna jergilikti polısııa qyzmeti men ákimshilik qyzmetkerleri kiretin 17 top jumys atqarýda. Olar qala turǵyndaryn karantın sharalaryn, áleýmettik araqashyqtyqty jáne betperde rejımin saqtaý qajettigi máseleleri boıynsha aqparattyq qulaqtandyrý jumystaryn júrgizýde», — dep baıandady aýdan ákimi orynbasary S. Ádilbaev.

Aqparatyq qulaqtandyrý jumystary magıstraldy kóshelerde, aýlalar men buqaralyq demalý oryndarynda júrgiziledi.
Tuńǵysh Prezıdent atyndaǵy saıabaqta halyqtyń jappaı toptasýyn boldyrmaý maqsatynda áleýmettik araqashyqtyqty saqtaý úshin qaýipsiz qashyqtyqty kórsetetin belgiler belgilengen.

Odan bólek, aýdanda aǵymdaǵy jyldyń 5 shildesinen bastap karantın rejımi men sanıtarlyq- epıdemıologııalyq talaptardy buzý jaǵdaılaryn anyqtaý boıynsha 12 mobıldi top jumys isteıdi. Osylaısha, shildeniń 5-nen 17-ne deıin 153 nysan tekserildi. Olardyń ishinde 18-i qyzmetterin toqtatyp, 112 nysannan tártipbuzýshylyqtar anyqtaldy. Nysandardyń birinen 30 adamǵa arnalǵan ujymdyq bankettiń ótkizilgeni anyqtaldy. Shara toqtatylyp, qonaqtar úılerine tarap, hattama tolytyryldy.

Maska rejımin saqtamaǵany úshin jeke tulǵalarǵa qatysty 76 hattama toltyryldy. Aýdan turǵyndarynyń arasynda túsindirý jumystary júrgizilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir