Kók-Tóbe saıabaǵynyń jumysy toqtatyldy: almatylyqtarǵa karantınniń saqtalýyn qamtamasyz etýge kómek kórsetkeni úshin alǵys bildirildi

Almatylyqtarǵa karantındik buzýshylyqtardy anyqtaýǵa jáne jolyn kesýge kómek kórsetkeni úshin alǵys bildirildi.

Almaty qalasynyń óńirlik kommýnıkasııalar qyzmeti alańynda ótken onlaın-brıfıng barysynda Medeý aýdany ákiminiń orynbasary Berik Sultanbaev karantın rejımin buzýshylardy anyqtaýǵa kómek kórsetkeni úshin oblys turǵyndaryna alǵysyn bildirdi.

Eske sala keteıik, Almaty ákimi Baqytjan Saǵyntaevtyń tapsyrmasymen barlyq aýdandarda sonyń ishinde, bıznes nysandarynyń aýmaǵynda sanıtarlyq normalardyń, saqtalýyn baqylaý úshin monıtorıngtik toptar quryldy. Sondaı-aq, turǵyndarmen baılanysý úshin jedel jeli jumys isteıdi.

«Bizge jedel jelige kelip túsken qońyraýlar boıynsha turǵyndardyń ózderi qaı jerde jáne qandaı karantındik sharalary buzylǵany týraly aıtady. Sol úshin olarǵa alǵys aıtamyz», — dedi Berik Sultanbaev.

Máselen, osy jyldyń 17 shildesinde bir turǵynnan Kók-Tóbe saıabaǵynda karantın sharalary buzylǵandyǵy jaıynda shaǵym tústi. Monıtorlyq top dereý tártipbuzýshylyq oryn alǵan jerge bardy.

«Mobıldi top tártipbuzýshylyq faktisi boıynsha atalǵan nysanǵa jolǵa shyqty. Tártip buzý faktisi rastaldy. Attraksıondar qyzmetin toqtatty. Qazir olardy ákimshilik jaýapkershilikke tartý máselesi qaralýda», — dep qosty óz sózine Medeý aýdanynyń Taýarlar men qyzmetterdiń sapasy men qaýipsizdigin baqylaý departamenti basshysynyń mindetin atqarýshy Aıbek Áskerbekov.

Jalpy monıtorıngtik toptar júrgizgen tekserýler barysynda shekteý sharalaryn buzý faktileri anyqtalyp, joly kesildi, olardyń arasynda:

1) Bostandyq aýdanynda 11 shildede Han Táńiri shaǵyn aýdany 126-úıde «Raıskıı sad» meıramhanasynda 30 adamǵa arnalǵan banket ótkizilgeni anyqtaldy. Shara toqtatylyp, qonaqtar úılerine tarady. Nysannyń jetekshisimen túsindirý jumystary júrgizilip, mekemeniń ákimshisine 15 AEK mólsherinde QR ÁQtK 425-babynyń 1-tarmaǵy boıynsha, ákimshilik quqyqbuzýshylyq týraly hattama toltyryldy.
2) 16 shilde kúni Medeý aýdanynda «Manana» restoranyndaǵy túngi karaoke-klýbtyń ýaqyt rejıminiń buzylǵany anyqtaldy. Meıramhana ákimshiligimen túsindirý jumystary júrgizilip, sonyń barysynda meıramhana óz erkimen jabyldy.
3) 12 shilde kúni Bostandyq aýdanynda «Raıskıı sad» meıramhanasynda kóp qonaqtar sanymen úılený toıy ótken. Salatanatty jıynǵa kelgen qonaqtar dereý úılerine jiberildi. Monıtorıngtik top hattama toltyrdy. Meıramhana ıesi ákimshilik jaýapkershilikke tartyldy.
4) Túrksib aýdanynyń Nurshashqan aýdanynda karantın kezinde «Dostlýk» dámhanasynda 100 adamǵa arnalǵan banket ótkeni anyqtaldy. Qonaqtar dereý taratylyp, nysannyń qyzmeti 1,5 aıǵa toqtatylyp, dámhana ıesi Ilahýnova R. Z-ǵa 100 AEK mólsherinde ákimshilik aıyppul salyndy.
5) Alataý aýdanynda monıtorıngtik top «Shafran» jáne «Bodrum» dámhanalarynda shekteý sharalary jáne sanıtarlyq normalardyń buzylǵanyn anyqtady. «Shafran» dámhanasy túngi 23.00-den keıin jumys istegen. Sonymen birge personal qol,apsyz jumys istegen. Káýap pisiretin jerde maskasyz jáne qolǵapsyz jumys istegen. Jazǵy alańda antıseptıkter ornatylmaǵan. Kelýshilerdiń temperatýrasyn ólshemeıdi, sanıtarlyq-dezınfeksııalyq rejımqtalmaıdy. Kireberiske dezınfeksııalyq kilemshe tóselmegen. «Bodrum» dámhanasynda daıashy maskasyz jumys istegen. Atalǵan dámhanalarǵa qatysty ákimshilik quqyqbuzýshylyq týraly eki hattama toltyryldy.
6) Jetisý aýdanynda «JBI Garant» JShS temirbeton ónimderin óndiretin zaýyt qyzmetkerleriniń jabyq ǵımaratta qorǵanysh maskalarynsyz júrgeni anyqtaldy. Monıtorıngtik toppen ákimshilik quqyqbuzýshylyq týraly hattama tolytyrlyp, túsindirý jumystary júrgizildi.

Esterińizge sala keteıik, koronavırýstyq ınfeksııanyń odan ári taralýyn boldyrmaý maqsatynda Qazaqstan Respýblıkasynyń Bas memlekettik sanıtar dárigeriniń qaýlysymen qosymsha shekteý sharalary engizilgen. Atap aıtqanda, karaoke, kalıan, bılıard, kompıýterlik klýbtar, býkmekerlerlik keńseler, túngi klýbtar, boýlıng ortalyqtary, attraksıondar, oıyn alańdary, batýttar, kınoteatrlar jáne basqa oıyn-saýyq mekemeleriniń qyzmetine tyıym salyndy.