"Jabyq ǵımaratta maskany ıegine taǵyp júrý tártip buzýshylyq bolyp sanalady"

Búgin óńirlik kommýnıkasııalar alańynda Almaty qalasynyń Almaly aýdany ákimi Bekqalı Torǵaev, Almaty qalasy Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Sáýle Nurǵalıeva jáne almaty qalasy Almaly aýdanynyń jergilikti polısııa qyzmetiniń bastyǵy Rústem Ábdiǵalıevtiń qatysýymen onlaın-brıfıng ótti.

Spıkerler koronavırýs ınfeksııasyn juqtyrmaýdyń profılaktıkalyq quraldarynyń biri maska taǵý rejımin ustaný ekendigin taǵy bir eskertip ótip, birqatar keńester de bere ketti.

«Qoldanylyp jatqan sharalar juqtyrý tizbegin úzýge múmkindik beredi. Maska degenimiz pandemııany jeńip shyǵýdaǵy úlken bir qural», — dep aıtty Bekqalı Torǵaev.

Ol sonymen qatar áleýmettik araqashyqtyqty saqtaý erejelerin de ustanýǵa, múmkindiginshe adam kóp jınalatyn jerlerge barýdy qoıa turýǵa shaqyrdy.

Sonymen birge Sáýle Nurǵalıeva turǵyndardyń bári birdeı maskany durys taqpaıtynyna kóńil aýdardy. Bul rette aýa tamshylary arqyly beriletin ınfeksııa úshin negizgi kiris qaqpasy muryn ekenin aıta ketken jón. Sol sebepti tek aýyzǵa taǵylǵan maska COVID-19- ǵa qarsy kúreste tıimsiz bolyp tabylady. Osyǵan baılanysty, maskany durys taǵý rejımin ustanǵan jón.

«Halyq maskany ıek astynda taǵý nemese murynnyń ashyq turýy ol m askany taǵý bolyp sanalmaıtynyn túsinýleri kerek. Maska aýyz ben muryndy tolyǵymen jaýyp, tolyǵymen betke tıip turýy kerek», — dep túsindirip ótken Sáýle Nurǵalıeva jabyq ǵımaratta maskany osylaı taǵý da ákimshilik buzýshylyq bolyp tabylatynyn atap ótti.

Koronavırýs ınfeksııasynyń taraýyn boldyrmaý maqsatynda ShOB nysandarynyń aýmaǵynda sanıtarlyq talaptardyń saqtalýyn qadaǵalaý boıynsha monıtorıngtik toptardyń jumysy jalǵasýda. Búgingi tańda kásiporyndar qyzmetkerleriniń arasynda maska rejımin saqtamaýdyń 17 faktisi anyqtaldy.

«Biz kásipker tarapynan maska aýystyrý rejımin qamtamasyz etýde jetkilikti mólsherde maska berilgenmen, jeke tulǵalar – satýshylar, týroperatorlar, menedjerlerdiń olardy kımeı, tártip buzýdyń 17 faktisin anyqtadyq», — dedi Sáýle Nurǵalıeva.

Monıtorıngtik toptardyń jumysy kásipkerlik nysandarynyń aýmaǵynda turǵyndardyń juqtyrý qaýpin tómendetý úshin qajet. Sonymen birge, turǵyndardan kelip túsken ótinishter boıynsha jedel jeli qyzmet etedi.

«Búgingi tańda shamamen 25 qońyraý kelip túsken. Tártip buzý faktiler anyqtalǵan jaǵdaıda naqty meken-jaıdy vatsapqa joldap, nysanǵa qatysty qandaı shaǵym bar ekenin aıtýlaryńyzdy suraımyz», — dep atap ótti Sáýle Nurǵalıeva.

Budan ary monıtorıngtik top shaǵym túsken jerge barady. Búgingi tańda kelip túsken 25 shaǵymnyń 10-y boıynsha karantın rejıminiń buzylý jaǵdaılary rastaldy.