Almatyda avtobýsta maska rejımin buzý jaǵdaıyna baılanysty túsinikteme berildi. Bul týraly óńirlik kommýnıkasııalar qyzmetiniń brıfıngti barasynda Almaty qalasynyń Áýezov aýdany ákiminiń orynbasary Dastan Qaıratuly habarlady.

Qala ákimshiligi tarapynan maska rejımin saqtaýdy baqylaýǵa erekshe nazar aýdarylatynyn, sonymen birge, qoǵamdyq kólikterdegi jaǵdaıǵa kóńil bólinetinin eske salamyz, sebebi avtobýstardyń jabyq bolýy esebinen turǵyndardyń koronavırýs ınfeksııasyn juqtyrý qaýpi de artady.

«Eki kún buryn biz "Ońaı" baqylaýshylarynyń avtobýstan maskasyz jolaýshyny túsirip tastaǵanynyń kýágeri boldyq. Aýdanda osy turǵyda monıtorıngtik toptar aıaldamalar men qoǵamdyq kólikterde maska rejımin saqtaýdy baqylaý jumystary júrgiziledi», - dedi D.Qaıratuly, sonymen birge, ol qala turǵyndaryn qaýipsizdik sharalaryn saqtaýǵa shaqyrdy, sebebi oǵan aınaladaǵy adamdardyń densaýlyǵy men ómiri baılanysty.

Epıdemıologtardyń aqparatyna sáıkes, turǵyndary koronavırýs ınfeksııasyn únemi óz betterinshe anyqtaı bere almaıdy. Aýrý belgilerinsiz juqtyrǵandar olarmen baılanys jasaǵandardyń juqtyrýyna sebepker bolýlary múmkin.

Áýezov aýdanynda habarlaǵandaı, aǵymdaǵy kezeńde aýdandyq Polısııa basqarmasynyń qyzmetkerlerimen maska rejımin buzǵany úshin 64 adam ákimshilik jaýapkershilikke tartyldy jáne hattamalar toltyryldy. Monıtorıngtik toptar atap kórsetkendeı, adamdar kóp jınalatyn oryndarda, máselen SOSO aýmaǵynda, Saıran kóliniń aýmaǵynda buzýshylyqtar kóp kezdesedi.

Sonymen birge, aýdanda turǵyndar arasynda karantın rejımin saqtaýdy túsindirý jumystary jalǵasýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir