42 500 teńge kólemindegi tólem kimge tıesili

О́ńirlik kommýnıkasııalar qyzmetiniń brıfıngi barysynda Almaty qalasynyń Áleýmettik ál-aýqat qory basqarmasy basshysynyń orynbasary Danııar Álkebaıuly 2020 jyldyń shilde aıynda karantın sharalarynyń engizilýine baılanysty qyzmet etýshi almatylyqtarǵa memleket kirisinen tolyǵymen aıyrylǵan jaǵdaıda eń tómengi eńbekaqy — 42 500 tg kólemindegi bir rettik tólem alýdyń tártibi qalaı júzege asyrylatynyn túsindirdi.

Iаǵnı, tólemder aǵymdaǵy jyldyń shilde aıyna qarastyrylǵan.

Kimge tıesili: Erejelerdiń 3 t.sáıkes tólem kelesi sanattar boıynsha júzege asyrylady:
1) Ekinshi deńgeıli bank qyzmetkerlerin, bank operasııalarynyń jekelegen túrlerin júzege asyratyn uıymdardy, jáne solarmen birge úlestes zańdy tulǵalardy, memlekettik zańdy tulǵalardy (sharýashylyq júrgizý quqyǵyndaǵy memlekettik kásiporyndardyń qyzmetkerlerinen basqa), sonymen birge, aksııalarynyń jáne jarǵylyq kapıtalyndaǵy úlesteriniń júz paıyzy memleketke tıesili zańdy tulǵalardy qospaǵanda, jalaqysy saqtalmaıtyn eńbek demalysynda júrgen qyzmetkerlerge;
2) Jeke kásipkerlerge;
3) Jeke tájirıbemen aınalysýshy azamattarǵa;
4) Nysanasy jumystardy (qyzmetterdi kórsetý) bolyp tabylatyn azamattyq-quqyqtyq sıpattaǵy sharttar boıynsha kiris alatyn jeke tulǵalarǵa (budan ári – AQS sharttar boıynsha kiris alatyn jeke tulǵalar);
5) «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasy Kodeksiniń (Salyq kodeksi) 774-babyna sáıkes biryńǵaı jıyntyq tólem tóleýshi bolyp tabylatyn jeke tulǵalarǵa (budan ári – BJTtóleýshi) júzege asyrylady.

Kimge berilmeıdi:
Birjolǵy tólem shekteý is-sharalarynyń engizilýine baılanysty kiristen tolyq aıyrylý faktisi joq adamdarǵa, onyń ishinde:
1) jumys berýshiniń, dara kásipkerdiń, jeke praktıkamen aınalysatyn adamnyń nemese azamattyq-quqyqtyq sıpattaǵy shart boıynsha kiris alatyn jeke tulǵanyń qyzmeti shekteý is-sharalarynyń engizilýimen shektelmegen jaǵdaıda;
2) jalaqysy saqtalmaıtyn demalysta júrgen adamdardy qospaǵanda, jyl saıynǵy aqy tólenetin eńbek demalysyndaǵy nemese áleýmettik demalystaǵy adamdarǵa;
3) eńbek zańnamasyna sáıkes toqtap turýdyń engizilýine baılanysty jumysynan bosatylǵan adamdarǵa;
4) aǵymdaǵy jyldyń birinshi jartyjyldyǵynda biryńǵaı jıyntyq tólem (budan ári – BJT) tóleý faktisi anyqtalmaǵan BJT tóleýshilerge;
5) AQS sharttar boıynsha jumystardy oryndaýdan (qyzmetter kórsetýden) kiris alatyn, aǵymdaǵy jylǵy birinshi jartyjyldyqta ózderi úshin mindetti zeınetaqy jarnalary (budan ári – MZJ) túspegen jeke tulǵalarǵa;
6) zeınetaqy tólemderin, memlekettik járdemaqylar, ataýly áleýmettik kómek alýshylarǵa, qordan tólenetin áleýmettik tólemderdi alýshylarǵa, jumyspen qamtýǵa járdemdesý sharalarymen qamtylmaǵan adamdarǵa jáne «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasynyń Zańyna sáıkes jumys kúshiniń quramyna kirmeıtin, shekteý is-sharalary engizilgen kezeńde alǵash ret BJT tólegen adamdarǵa;
7) tolyq memlekettiń qamsyzdandyrýyndaǵy qylmystyq-atqarý júıesiniń mekemelerindegi adamdarǵa;
8) birjolǵy tólem alýshynyń joǵaltylǵan kirisi qalpyna keltirilgen jaǵdaıda taǵaıyndalmaıdy.