Almatyda COVID-19 aýyr jaǵdaıda ótip jatqan naýqastar sany 30 paıyzǵa azaıdy. Búgin onlaın-brıfıng barysynda Qoǵamdyq densaýlyq saqtaý basqarmasynyń basshysy Kamaljan Nadyrov búgingi tańda jansaqtaý jáne qarqyndy terapııa bólimindegi naýqastarǵa erekshe kóńil bólinetinin aıtty.

Atalǵan baǵyttaǵy jumystardy kúsheıtý úshin Qoǵamdyq densaýlyq saqtaý basqarmasynyń janynan Anestezıologııa jáne reanımatologııa mobıldi ortalyǵy quryldy, onda jan saqtaý jáne qarqyndy terapııa bóliminiń naýqastaryna keńes beriledi. Atalǵan ortalyqta bilikti mamandardan turatyn reanımatologtar toby qyzmet etedi.

«Táýlik boıǵy rejımde reanımatologtardyń mobıldi brıgadalary pasıentterge telemedısına arqyly oqıǵa ornynda keńes berýdi júzege asyrady. Naýqas týraly barlyq málimetter ortalyqtyń reanımatolog dárigerlerden, kafedraldy qyzmetkerlerden, sonyń ishinde zeınettegi dárigerlerden quralǵan bilikti mamandary bar saraptaý bólimine beriledi», — dep túsindirip ótti Kamaljan Nadyrov.

Atalǵan ortalyqtyń jumysynyń arqasynda aýyr jaǵdaıdaǵy naýqastar sanatyna qatysty oń ózgeris baıqalǵan, jaǵdaılary jaqsarýy esebinen olardyń (aýyr jaǵdaıdaǵy naýqastar) sany 30 paıyzǵa tómendegen.

Budan bólek, úıde emdelip jatqan naýqastar úshin ambýlatorlyq deńgeıde vırtýaldy ınfeksııalyq aýrýhana uıymdastyrylǵan.

Barlyǵy ambýlatorlyq deńgeıde 2435 naýqas monıtorıngtik baqylaýǵa alynǵan. 72 mobıldi brıgada qyzmet etýde. Osy iske jumyldyrylǵan mamandar sany 409 dárigerdi quraıdy.

«Bul mamandardyń mindeti naýqastardyń úılerine baryp qyzmet kórsetý. Ol úshin olar qajetti jeke qorǵanys quraldarymen qamtamasyz etilgen. Infeksııalyq qaýipsizdikke arnalǵan arnaıy trenıngterden ótken. Sonymen birge olar PTR taldamalaryn alady jáne qajet bolǵan jaǵdaıda em taǵaıyndap, tıisti dári-dárimekpen qamtý arqyly úıde stasıonar uıymdastyrady», — dep qosty ol óz sózine.

Táýekel (qaýipti) tobyna engen naýqastarǵa baqylaýdy kúsheıtý úshin Almaty qalasynyń ákimdigi men S. D. Asfendııarov atyndaǵy Qazaq Ulttyq medısınalyq ýnıversıteti birlesip Naýqastardy monıtorıngteý ortalyǵyn iske qosty.

Monıtorıng ortalyǵy táýekel toptaǵy ambýlatorly naýqastarǵa táýlik boıy baqylaý júrgizýge arnalǵan.

«Búginde atalǵan ortalyqtyń emhanalyq qyzmet jáne jedel medısınalyq kómek qyzmetimen ózara baılanys jasaý algorıtmi qaralýda. Mundaı ádis asqynýlar sanyn azaıtyp, ambýlatorlyq deńgeıde tıimdi emmen qamtamasyz etýge múmkindik beredi», — dep atap ótti K.Nadyrov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir