Búgin Almaty qalasynyń óńirlik kommýnıkasııalar qyzmetiniń alańynda ótken onlaın brıfıng barysynda Almaty qalasynyń Tótenshe jaǵdaılar jónindegi departamenti basshysynyń orynbasary, azamattyq qorǵaý polkovnıgi Arman Baıgelov almatylyqtarǵa órt qaýipsizdigi erejelerin eske saldy.

«Almaty qalasynyń turǵyndary men qonaqtarynyń esine taýly-ormandy jerlerde órt qaýipsizdigin saqtaýdyń qarapaıym erejelerin eske salǵym keledi. Ot jaǵýǵa, ruqsat etilmegen oryndarda tamaq daıyndaý úshin mangaldar men basqa quraldardy paıdalanýǵa bolmaıdy», — dedi Arman Baıgelov.

Sonymen birge, ruqsat etilmegen oryndarda temeki sheshýge bolmaıdy, sebebi shyrpy men temeki tuqyly órttiń tutanýyna ákelýi múmkin. Sonymen birge, Almaty turǵyndarynan taýly-ormandy jerlerde maı sińgen nemese benzın, kerosın nemese basqa da janar-jaǵarmaı zattary bar materıaldardy,kún sáýlesi túsetin orman alańyna bótelkelerdi, shyny synyqtaryn jáne basqa da qaldyqtardy tastamaý kerektigi aıtyldy,óıtkeni olar da órttiń shyǵýyna sebepker bolýy múmkin. Taýly jerlerde qurǵaq shópterdi jaǵýǵa tyıym salynady.

«Azamattar, órt qaýipsizdigi erejelerin saqtańyzdar, ormandy órtten qorǵańyzdar!», — dedi TJD qyzmetkerleri.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir