14 Shilde, 2020 NEWS

Almatyda dárigerler ókpesi 96%-ǵa zaqymdanǵan áıeldi aman alyp qaldy

Ashyq derekkóz

Almatyda dárigerler ókpesi 96%-ǵa zaqymdanǵan áıeldi aman alyp qaldy. Bul týraly qala ákimdiginiń baspasóz qyzmeti habarlady.

Almaty Ortalyq qalalyq klınıkalyq aýrýhanasyna koronavırýs ınfeksııasynyń aýyr túrimen, eki jaqty pnevmonııamen 56 jastaǵy áıel tústi.

О́kpeni kompıýter tomografııasyna túsirgende eki jaqty 96%-ǵa polısegmenttik zaqymdanǵany baıqaldy. Oǵan qosa ekinshi dárejeli arterııalyq gıpertonııa asqynǵan.

Naýqas dereý reanımasııa jáne qarqyndy terapııa bólimine aýystyryldy. Ortalyq qalalyq klınıkalyq aýrýhananyń dárigerleri 10 kún boıy jansaqtaý bóliminde naýqastyń ómiri úshin kúresti.

Keıin, naýqastyń jaǵdaıy jaqsarýyna baılanysty beıindi bólimge aýystyryldy.

«Qazir pasıenttiń jaǵdaıy jaqsy, arnaıy tekserýlerden keıin ýchaskelik dárigerdiń baqylaýynda bolady», - dedi bas dárigerdiń mindetin atqarýshy Gúlnar Qulqaeva.

«Dárigerlerge, meıirbıkelerge jáne sanıtar áıelderge alǵysym sheksiz. Olardyń maǵan jasaǵan bar eńbegi, ómirimdi qutqarǵany, maǵan ekinshi ómir syılaǵany úshin úlken rahmet!», – dedi naýqas áıel.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir