10 Shilde, 2020 NEWS

Reseıden eki ushaq dári-dármek jetkizildi

inform.kz

Almaty áýejaıyna azamattyq avıasııanyń birinshi borty keldi, al ekinshi bort búgin keshirek kútilýde. Azamattyq avıasııanyń eki borty Máskeýden 55 tonna medısınalyq dári-dármek jetkizdi, onda koronavırýs ınfeksııasy men pnevmonııany emdeýge arnalǵan, vırýsqa qarsy jáne dene qyzýyn túsiretin preparattar, antıkoagýlıanttar men antıbıotık bar. Bul týraly QazAqparat habarlady.

Jýyrda Qazaqstan dárihanalaryna 150 myńǵa jýyq «Azıtromısın» tabletkasy, mıllıonǵa jýyq «Seftrıakson», «Tamıflıý» preparatynyń 150 myń paketi, «Arbıdoldyń» 50 myń oramasy jáne arnaıy reıstermen kelgen basqa da qajetti medısınalyq preparat túsedi.

«Bul dári-dármek bir aıǵa jetkilikti. Kelgend ári-dármekter birkelki úlestirilip, jaqyn kúnderi óńirlerge jedel jetkiziledi. Osy bort kelesi aptadaÚndistannan da dári-dármek tasymaldaıdy. Dári-dármekpen qamtamasyz etýdiń qoljetimdiligin arttyrý jáne dári-dármekterge barlyq qajettilikti jabý maqsatynda mundaı is-sharalar aı saıyn uıymdastyrylatyn bolady» delingen habarlamada.

Vedomstvonyń málimdeýinshe, dári-dármekti Azamattyq avıasııa komıtetiniń arnaıy borttarymen jedel jetkizý – naryqty joǵary suranysqa ıe dári-dármek pen jedel qamtamasyz etý úshin Úkimet ázirlegen sharalardyń biri. Mundaı reıster Qazaqstandaǵy dárihana jelilerin turaqty túrde dári-dármekpen tolyqtyryp otyrady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir