26 Shilde, 2020 Barlyq aımaqtar

"Tobyl" fýtbol klýbynyń eks-basshysy qaıtys boldy

Kórneki sýret

Fýtbol mamany Halımjan Erjanov 57 jasyna qaraǵan shaǵynda ómirden ótti. Bul týraly "Tobyl" fýtbol klýbynyń baspasóz qyzmeti habarlady.

"Toqsanynshy jyldardyń sońynda Halımjan Saǵıdollauly "Tobyldyń" el chempıonatyna qaıta oralýy úshin úlken jumys atqardy. Ras, bizdiń komandanyń kóptegen tabystary osy kisiniń esimimen tyǵyz baılanysty, onyń ishinde birinshiliktiń jalǵyz altyny bar. Sońǵy jyldary Halımjan Erjanov "Ortalyq" stadıonynda laýazymdy qyzmetter atqardy" delingen habarlamada.

Halımjan Erjanov kóptegen jyl boıy "Tobyl" klýbynyń basshylyǵynda jumys istedi – bas dırektor, dırektor jáne klýb prezıdenti qyzmetin atqardy. Sondaı-aq ol pavlodarlyq "Ertis" pen "Astanadaǵy" jumysymen de tanymal. Odan bólek, Erjanov Ulttyq fýtbol lıgasynyń jetekshisi bolǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir