26 Shilde, 2020 NEWS

Akademık Kenjeǵalı Saǵadıev qaıtys boldy

Foto: kazpravda.kz

Belgili akademık, ǵalym, ekonomıst Kenjeǵalı Saǵadıev 82 jasynda qaıtys boldy. 

"25 shildede 82 jastaǵy akademık Kenjeǵalı Ábenulynyń júregi soǵýyn toqtatqanyn qaıǵyra habarlaımyz. О́kinishke qaraı, eldi jaılaǵan indet bizdiń áýletti de aınalyp ótpedi. Ony biletinderge onyń asa aqyldy, keńpeıil, jaqyndaryna qamqor bolǵany málim. Uly adam uly ǵumyr keshti. Jerleý rásimi tek jaqyndarynyń qatysýymen bolady. Qoshtasý rásimine baılanysty sharalar týra bir jyldan keıin 2021 jyldyń 25 shildesinde uıymdastyrylady. Bul Kenjeǵalı Ábenulynyń sońǵy amanaty. Ýaqyt pen ótetin oryn qosymsha habarlanady" delingen Saǵadıevter áýleti taratqan habarlamada. 

Kenjeǵalı Saǵadıev 1938 jyly 18 aqpanda Qostanaı oblysynyń Jangeldın aýdanynda dúnıege kelgen.

1960 jyly QazMÝ-dy támamdaǵan.

1960-1963 jyldary QazMÝ-de assıstent, aǵa oqytýshy, 1963-1966 jyldary Máskeý halyq sharýashylyǵy ınstıtýtynyń aspıranty, 1966 jyldan Almaty halyq sharýashylyǵy ınstıtýtynda ǵylymı-pedagogıkalyq jáne basshylyq qyzmetter atqardy.

1982-1990 jyldary Selınograd aýyl sharýashylyǵy ınstıtýtynyń rektory, 1990-1994 jyldary Qazaq memlekettik ekonomıkalyq ýnıversıtetiniń (1993 jyldan Qazaq memlekettik basqarý akademııasy) rektory, 1994-1996 jyldary QR UǴA prezıdenti, 1996-2004 jyldary Qazaq memlekettik agrarlyq ýnıversıtettiń, Halyqaralyq bıznes ýnıversıtetiniń rektory, 2004 jyldan QR Parlamenti Májilisiniń depýtaty boldy.

2007 jyldan – "Nur Otan" HDP tizimi boıynsha QR Parlamenti Májilisi 4-shi shaqyrylymynyń depýtaty, Ekologııa máseleleri jáne tabıǵat paıdalaný komıtetiniń múshesi, Salyq salý "KagEpegdý" assosıasııasy úılestirý keńesiniń tóraǵasy boldy.

1977 jyly ekonomıka ǵylymynyń doktory, 1978 jyly professor, 1994 jyly UǴA-nyń akademıgi, 1996 jyly Qazaqstannyń eńbek sińirgen ǵylym men tehnıka qaıratkeri ataqtaryn alǵan.

Ilmek sózder: Kenjeǵalı Saǵadıev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir