"Meshitter ashylmaıdy, qurban onlaın shalynady". Bas múftıdiń Qurban aıtqa qatysty málimdemesi

Qazaqstanda qurban aıt kúnderi meshitter ashylmaıdy. Bul týraly bas múftı Naýryzbaı qajy Taǵanuly ortalyq kommýnıkasııalar qyzmetinde ótken brıfıngte habarlady.

Onyń aıtýynsha, bıyl qurban aıt merekesi ǵulamalar keńesiniń bekitýimen 31 shilde, 1-2 tamyz kúnderine sáıkes kelip tur. Pandemııa kezinde meshitter ashylmaıdy. Sol sebepti 31 shilde kúni qurban aıt namazy meshitterde oqylmaıdy.

– Dinı basqarma el musylmandarynyń ótinishin eskere otyryp, bıyl alǵash ret qurban aıt qarsańynda halyqaralyq tájirıbege súıenip, qashyqtan qurban shalý jobasyn qolǵa aldy. Osy maqsatta qurban2020.kz saıtyn búgin tolyqtaı iske qostyq. Al qurbandyq shalýǵa onlaın tapsyrys 30 shildege deıin qabyldanady. Kez kelgen azamat onlaın túrde qurban shalýǵa tapsyrys bere alady, – dedi bas múftı brıfıngte.

Memleket tarapynan onlaın qurban shalý oryndary ashylǵan. Kez kelgen azamat onlaın túrde qurban shalýǵa tapsyrys bere alady. Eldiń bas múftıi dinı rásim jergilikti ákimdik pen sanıtar dárigerlerdiń ruqsatymen, tártip saqshylarynyń qadaǵalaýymen karantın talaptaryn qatań túrde saqtaı otyryp oryndalatynyn jetkizdi.