25 Shilde, 2020 NEWS

Qytaıǵa qarsy Úndistan-AQSh-Japonııa birikken áskerı jattyǵýǵa Avstralııa shaqyryldy

Getty

Qytaı agressııasymen kúresý úshin Úndistan áskerı-teńiz jattyǵýlaryna Avstralııany qatysýǵa shaqyrdy, dep habarlady Daily Mail.

Beıjiń men Nıý-Delı arasyndaǵy qarym-qatynas Gımalaı shekarasy boıyndaǵy qandy qaqtyǵystardan keıin shıelenise tústi. Galvan alqabyndaǵy qaqtyǵys kezinde keminde 20 úndi áskerı qyzmetkeri qaza tapqan.

Endi Úndistan Avstralııany Malabar áskerı teńiz jattyǵýlaryna qatysýǵa shaqyryp, kommýnıstik elge qarsy kúres júrgizýde.

AQSh, Japonııa jáne Úndistan qatysqan úshjaqty áskerı shara 1992 jyldan beri ótkizilip keledi.

Beıjiń avstralııalyq áskerı kemeler Bengal shyǵanaǵy jattyǵýyna qatysqanyna ashýlanǵannan keıin Úndistan shaqyrýdy keri qaıtaryp alǵan.

Biraq qazir Qytaıdyń aımaqta terrıtorııasyn keńeıtýine úreı týýda. Úndi-Tynyq muhıty elderi Beıjińge qarsy turý úshin odaqtas izdeýde.

Avstralııanyń jattyǵýǵa qatysatyny áli rastalmaǵanymen, úndistandyq buqaralyq aqparat quraldary bul ýaqyttyń enshisinde deıdi.

Kanberranyń usynysty oılastyryp jatýy Beıjińniń qıtyǵyna tıdi. Qytaılyq Global Taıms basylymy "bul Beıjińniń qaýipsizdigine qater tóndiredi" dep málimdegen.

– Eger Avstralııa kelesi Malabar jattyǵýlaryna qosylsa, bul AQSh, Japonııa, Avstralııa jáne Úndistan arasyndaǵy beıresmı strategııalyq forým bolmaq, tórtjaqty qaýipsizdik músheleriniń áskerı dıalogy alǵash ret úılestiriledi, – deıdi qytaılyq basylym.

Sońǵy jyldary Kanberra Úndistannyń mıllıardtan astam halqy bar tutyný naryǵyna nazar aýdarǵan jáne bul birlesken jattyǵý kelisimniń kepili bola alady.

"Eki el arasyndaǵy tyǵyz saýda baılanysy Avstralııanyń taý-ken jáne aýylsharýashylyq salalary úshin úlken nátıje ákelýi múmkin" dep habarlady MailOnline.

COVID-19 bastalǵannan bastap, Avstralııa men Qytaıdyń qarym-qatynasy nasharlap ketti jáne Avstralııa premer-mınıstri Skott Morrıson koronavırýstyń bastalýy týraly táýelsiz halyqaralyq zertteý júrgizýge shaqyrǵan.

Beıjiń oǵan jaýap retinde avstralııalyq bıdaı eksportyna tarıfter engizgen jáne Kanberranyń iri sıyr etin jetkizýshilerdiń úsheýin qara tizimge engizgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir