24 Shilde, 2020 NEWS

Búgin NASA "yqtımal qaýipti" degen asteroıd Jerge jaqyndaıdy (vıdeo)

Asteroıdtyń Jerge "yqtımal qaýipti" orbıtalyq qashyqtyqta bolatyn ýaqyty 20 shildeden 28 shildege deıin jalǵasady. Almaty ýaqyty boıynsha 24 shilde tańǵy 8:00-den 25 shilde tańǵy 6:00-ǵa deıingi aralyqta aspan denesi bizdiń ǵalamsharymyzǵa eń jaqyn keledi.

Kórneki sýret

NASA "yqtımal qaýpi bar" delingen asteroıd 24 shildede Jerge jaqyndaı túsetinin málimdegen bolatyn.

"Asteroıd 2020ND" dep atalǵan aspan denesi shamamen Báıterek monýmentinen eki esege jýyq úlken. Jer ǵalamsharyna jaqyndaıdy delingen asteroıdtyń uzyndyǵy – 170 metr.

NASA ǵalymdary asteroıdtyń Jer orbıtasyna qaraı ushyp kele jatqanyn jáne planetamyzdan bar bolǵany 0,034 astronomııalyq birligindeı (AB) qashyqtyqta bolatynyn eskertedi. Sekýndyna 14 shaqyrym jyldamdyqpen qozǵalyp bara jatqan aspan denesi Jerge 5.57 mıllıon shaqyrymǵa deıin jaqyndaıdy.

NASA-nyń aqparatynsha, orbıtalyq qashyqtyq 0,05 astronomııalyq birlikten az barlyq asteroıdtar "yqtımal qaýipti asteroıdtar" bolyp sanalady. 

Asteroıdtyń jalpy qozǵalys barysyn tómendegi vıdeo arqyly kórýge bolady.

Vıdeodaǵy kórsetilim boıynsha, aspan denesiniń Jermen araqashyqtyǵy "yqtımal qaýipti" orbıtalyq qashyqtyqtan (0,05 astronomııalyq birlikten) jaqyn bolatyn ýaqyty 20 shildeden 28 shildege deıin jalǵasady.

Al, bizdiń ǵalamsharymyzǵa eń jaqyn keletin kezi álemdik ortaq ýaqyt (UTC) boıynsha 24 shilde 2:00-den 25 shilde 00:00 aralyǵy. Al, bul Almaty ýaqyty boıynsha 24 shilde tańǵy 8:00-den 25 shilde tańǵy 6:00-ǵa deıingi aralyq. Osy kezde asteroıd Jerden 0,037 astronomııalyq birligindeı qashyqtyqta bolady. Almaty ýaqyty boıynsha 25 shilde 8:00-den bastap aspan denesi alystaı bastaıdy. 

Ilmek sózder: NASA asteroıd

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir