Praımerız qazaq qoǵamyna tańsyq emes, bı-sheshender de osylaı iriktelgen – Qazbek Maıgeldınov

Bıyl «Nur Otan» partııasy partııaishilik praımerız ótkizedi. Iаǵnı, elordamen birge árbir óńirde partııanyń jańa kóshbasshylary iriktelip, olar Májilis pen máslıhattardaǵy depýtattyq korpýsty jasaqtaýǵa atsalyspaq.

Praımerız – AQSh tájirıbesi dep aıtylǵanymen, qazaq qoǵamy úshin bul jat dástúr emes deıdi saıasattanýshy Qazbek Maıgeldınov. Iаǵnı, Qazaq handyǵy tusynda bı-sheshender týra osyndaı jolmen iriktelgen.

– Bizdiń saltymyzda bul dástúr bar, biz tek ony jańartyp, jandandyrýymyz kerek. Erterekte bıler bı bolý úshin el aralap, halyqtyń muńyn tyńdaǵan, daý-damaıdy sol jerde sheshýge tyrysqan. Osylaısha myqtylary iriktelip, bılikke kelgen. Bizge de qazir sol qajet, – dedi saıasattanýshy «Nur Otan» partııasy jaqtastarynyń lıgasy ótkizgen Zoom-konferensııa barysynda.

Onyń aıtýynsha, praımerızdiń negizgi sharttarynyń biri – debat. Debatta óz oıyn anyq jetkizip, kórsetilgen problemany sheshýdiń eń tıimdi jolyn usynǵan úmitker ǵana partııa atynan depýtat bolýyǵa laıyqty.

– Buryn telearnalar jastar arasynda debat uıymdastyryp, talaı kóshbasshyny tárbıelep shyǵardy. Qazir ókinishke qaraı, bul úrdis úzilip qaldy. Praımerız ony jandandyrady dep úmittenemin, saıası naýqan bitkennen keıin de respýblıkalyq telearnalar myqty jastardy iriktep, tárbıeleýmen aınalysýy kerek, – dedi Maıgeldınov onlaın-konferensııada.

Zoom-konferensııaǵa «Nur Otan» partııasynyń hatshysy Arman Qyryqbaev, saıasattanýshylar Aıdos Sarym men Qazbek Maıgeldınov, jýrnalıster Baǵdat Qojahmetov, Aıdos Juqanuly, Rahat Jaqsybaı, blogerler Iаkov Fedorov, Bıbigúl Dáýletbekqyzy, Samat Nurtaza qatysty.

Konferensııa barysynda Qazbek Maıgeldınov Úkimet tarapynan jumyssyzdyqty joıýdyń tetikteri usynylmaı otyrǵanyna alańdaıtynyn bildirdi.

Kóktemde bolǵan eki aılyq karantın men qazirgi shekteý sharalary shaǵyn jáne orta bıznes ókilderine aýyr soqqy boldy dep esepteıdi sarapshy.

– Qansha aıtqanmen, eki aptalyq karantın, oǵan deıingi tótenshe jaǵdaı jeke kásipkelerdi bylaı qoıǵanda, keıbir memqyzmetshilerdi, ózin-ózi jumyspen qamtyp júrgen azamattardy kúndelikti tabysynan aıyrydy. 42500 teńge áleýmettik kómek berilgenimen, jumyssyzdyqty joıatyn naqty tetikter aıtylmaı otyr. Bul rette bizge kórshiles О́zbekstannyń tájirıbesin alýǵa bolady. Iаǵnı, árbir oblys, árbir aýdan, árbir turǵylyqty jerdiń klımaty men mádenıetine baılanysty qolóner men aýyl sharýashylyǵyn damytýǵa bolady. Muny Memleket basshysy Qasym-Jomart Toqaev ta aıtqan. Iаǵnı, kishi zattar ekonomıkasyn qalyptastyrý kerek. Osy aımaqtardyń ózine tán sharýashylyqtar boıynsha kishigirim sehtar ashyp, Qazaqstannyń jalpy ishki óndirisin, ónimin damytý kerek, – deıdi Qazbek Maıgeldınov.