24 Shilde, 2020 NEWS

Tramp prezıdenttikten ketedi – Resmı málimdeme

AQSh prezıdenti Donald Tramp Fox News radıosyna suhbat bergende, qarasha aıynda bolatyn prezıdent saılaýynyń nátıjesin qabyldaıtynyn rastamaǵan. AQSh palata spıkeri bul jaǵdaıǵa baılanysty Tramptyń "sottalatynyn" aıtty.

Getty

AQSh palata ókili resmı málimdemesinde "Donald Tramp qarashadaǵy saılaýdan jeńilse, prezıdenttikten ketedi"  dep jarııalady. Al Tramp Fox News-qa suhbat bergende, saılaýdyń ádildigine kúmán keltiretinin jetkizip, sońǵy nátıjeni qabyldaıtynyn rastamaǵan. Bul týraly Reuters habarlady.

Palata spıkeri, demokrat Nensı Pelosı eger Tramp prezıdenttik saılaýda jeńilgen soń, qyzmetten ketýden bas tartsa, "sottalatynyn" málimdegen. 

Buǵan deıin Tramp Fox News radıosyna suhbat bergende, qarasha aıyndaǵy prezıdent saılaýynyń sońǵy nátıjesin qabyldaıtyny, qabyldamaıtyny jaıyndaǵy suraqqa jaýap berýden bas tartqan bolatyn. 

– Bul jaǵdaıǵa baılanysty poshta arqyly daýys berý saılaýdy buzady dep oılaımyn. Men shynymen de solaı dep senem, – degen AQSh prezıdenti.

– Siz saılaý nátıjelerin qabyldamaýdy aıtyp otyrsyz ba? – dep suraǵan Fox News jýrnalıstine "Joq. Men kórýim kerek... Men "ıá" dep te, "joq" dep aıtpaımyn. Men aldyńǵy joly da aıtpaǵanmyn" dep jaýap bergen Tramp. 

2016 jylǵy prezıdenttik saılaý aldynda da Donald Tramp jeńilisti qabyldaý-qabyldamaý týraly osylaı jasaǵan.

Al demokrat Nensı Pelosı "bul fakt, ol bile me, joq pa, báribir ketedi... Onyń Aq úıden ketkisi kelmeýi múmkin, bul bizde AQSh-tyń laıyqty saılanǵan prezıdentin ulyqtaýǵa arnalǵan ınaýgýrasııa rásimi bolmaıdy degendi bildirmeıdi" dep málimdegen.

Demokrattar atynan úmitker Djo Baıdenniń ókili Endrıý Beıts "Amerıka halqy bul saılaýdy sheshedi" deıdi.

Ilmek sózder: Tramp ketedi málimdeme

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir