24 Shilde, 2020 Saıasat

Aımaǵambetovty 60 myń adam qoldady, qorǵanys, ishki ister mınıstrleri 200 daýys jınaı almady (saýalnama nátıjesi)

Foto: qamshy.kz

Qamshy portaly jarııalaǵan "Úkimet taratylsa, qaı sheneýniktiń qyzmetinde qalǵanyn qoldaısyz?" saýalnamasynyń qorytyndysy shyqty.

Saýalnamaǵa bir jarym táýlik ishinde 75 148 qoldanýshy qatysty. Saýalnama qorytyndysy boıynsha bilim jáne ǵylym mınıstri Ashat Aımaǵambetov daýys bergenderdiń 78,5 paıyzyn jınap, reıtıngte birinshi oryn aldy. Oǵan 58 994 daýys berildi.

2-orynǵa 5,4 paıyzben (4059 daýys) ındýstrııa jáne ınfraqurylymdyq damý mınıstri Beıbit Atamqulov, 3-orynǵa 3,1 paıyzben (2344) eńbek jáne halyqty áleýmettik qorǵaý mınıstri Birjan Nurymbetov jaıǵasty.

Sıfrlyq damý, ınnovasııalar jáne aeroǵarysh ónerkásibi mınıstri mindetin atqarýshy Baǵdat Mýsın 2,9 paıyzben (2157) 4-oryn alsa, densaýlyq saqtaý mınıstri Alekseı Soı 2,2 paıyzben (1659) bestikti qorytyndylady.

Mınısler kabınetin basqaryp otyrǵan Asqar Mamın 0,5 paıyz (343) jınasa, bes shendi – syrtqy ister mınıstri Muhtar Tileýberdi, qorǵanys mınıstri Nurlan Ermekbaev, ishki ister mınıstri Erlan Turǵymbaev, aýyl sharýashylyǵy mınıstri Saparhan Omarov, qarjy mınıstri Erulan Jamaýbaev saýalnama qatysýshylarynyń 0.2 paıyz daýysyn aldy.

Aıta keterligi, saýalnamaǵa qatysty Qamshy redaksııasyna túrli qońyraýlar tústi. Artynsha saıtqa hakerlik shabýyl jasalyp, portal jumysyn isten shyǵarýǵa áreket jasaldy.

Bilim jáne ǵylym mınıstri Ashat Aımaǵambetovty qoldap, redaksııanyń telefonyna qońyraý shalǵandar, whatsapp nomerine jazǵandar kóp boldy.

Aımaǵambetovtyń saýalnama bastalǵannan kósh bastap, daýysty turaqty túrde jınaǵanyn aıta ketken jón.

Sonymen qatar keı mınıstrlerge daýys berýshiler sany kenetten artqany baıqaldy.

Buǵan deıin prezıdent Toqaev 10 shilde kúni úkimettiń keńeıtilgen otyrysynda koronavırýsqa qatysty ahýal jaqsarmasa, mınıstrler kabınetiniń osy quramda jumys isteý múmkindigi týraly másele týyndaıtynyn aıtyp, úkimettiń otstavkaǵa ketýi yqtımal ekenin meńzegen.

20 shildede Asqar Jumaǵalıev sıfrlyq damý, ınnovasııalar jáne aeroǵarysh ónerkásibi mınıstri qyzmetinen bosatylǵanda áleýmettik jelide úkimet quramyn ózgertý bastalǵany týraly áńgime shyqty.

Keıbir sarapshylar mınıstrler birtindep aýystyrylýy múmkin ekenin aıtqan.

a

♦ Oqı otyryńyz: "Ketkeni durys". Úkimettiń otstavkasy týraly turǵyndar ne deıdi?

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir