24 Shilde, 2020 NEWS

"Ákim bara jatyr". Sátbaev qalasynda ne bolyp jatyr?

Vıdeodan skrınshot

"5 jasar qyzdyń urlanǵanyna baılanysty halyq kóterilip jatyr" delingen Sátbaev qalasynda jaǵdaı turaqtandy. Oqıǵa ornyna Qaraǵandy oblysynyń ákimi Jeńis Qasymbek bara jatyr. Bul týraly oblys ákimdiginiń baspasóz qyzmeti habarlady.

Ákimdik taratqan habarlamaǵa qaraǵanda 23 shilde  kúni saǵat 21.00-de Sátbaev qalasynyń polısııasyna Jezqazǵan qalasynyń turǵyny habarlasyp, óziniń 5 jasar qyzynyń joǵalǵany týraly habarlaǵan. Artynsha polısııa men eriktiler izdestirip, bala kóp qabatty úıden tabylǵan. Qyz bala aýrýhanaǵa jetkizilgen, kúdikti ustalǵan. 

Alaıda ustalǵan azamattyń úıiniń janynda kúdiktini qolyna berýdi talap etken bir top adam jınalǵan. Ákimdik osyǵan baılanysty quqyq qorǵaý organdarynyń qyzmetkerleri  jumyldyrylǵanyn habarlady. 

Ákimdik málimetinshe, qazirgi ýaqytta qaladaǵy jaǵdaı turaqtanǵan, adamdar oqıǵa ornynan taraǵan. 

 

Ilmek sózder: Sátbaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir