Kórneki sýret
"Reseı Ulybrıtanııa armııasyn tek jarty kúnde joıyp jiberýi múmkin" deıdi aǵylshyn sarapshylar. Bul týraly Londonda shyǵatyn Daily Express basylymy habarlady.
Basylymnyń jazýynsha, 2017 jyly Ulybrıtanııanyń áskerı saraptama ortalyǵy jasaǵan baıandamada osyndaı aqparattar jarııalanǵan. "Tarıhı qaqtyǵystardy taldaý jáne zertteý ortalyǵynyń" (CHACR) málimetteri boıynsha, aǵylshyn armııasy birneshe jyl boıy áskerı bıýdjettiń turaqty túrde qysqartylýynan zardap shegip otyr.
Eki kúndik semınardan keıin jasalǵan bul qujat Birkken Koroldiktiń Reseı shabýylyna ushyraǵanda saldary qalaı bolatynyn saraptaǵan.
"Bizge bógde memlekettiń tikeleı shabýyl jasaý qaýpi tónip turǵan joq" dep jazylǵan qujatta, degenmen Ulybrıtanııaǵa basqa el shabýyl jasaǵan jaǵdaıda, birneshe yqtımal ssenarııler kórsetilgen.
Gazettiń jazýynsha, 2014 jyly reseılik artıllerııa men zymyran batareıalary birneshe mınýt ishinde ýkraınalyq eki batalondy joıyp, kúshin dáleldegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir