23 Shilde, 2020 Barlyq aımaqtar

Qaı óńirde toı jasaý tyıylmaı tur?

Kórneki sýret

Elde karantın jarııalanǵanyna qaramastan toı jasap jatqandar bar. Bul týraly QR bas memlekettik sanıtar dárigeri Aıjan Esmaǵambetova Ortalyq kommýnıkasııalar qyzmetinde ótken onlaın brıfıngte aıtty.

– Jappaı halyq jınalatyn sharalarǵa tyıym salynsa da, keı turǵyndar úılený, qyz uzatý, týǵan kún ótkizýdi toqtatar emes. Bul ınfeksııa juqtyrý men onyń taralý qaýpin týdyrady. Ádettegideı, birneshe óńirden jınalǵan qonaqtar qaýipti ınfeksııany óz úılerine alyp barady, – dedi bas sanıtar. 

Sondaı-aq ol qaı óńirler merekelik jıyn ótkizýdi toqtatpaı otyrǵanyn atap ótti.

– Mundaı zań buzý faktileri Almaty qalasynda, Túrkistan, Jambyl, Batys Qazaqstan, Pavlodar, Almaty oblystarynda anyqtaldy. Barlyq mereke uıymdastyrýshylarǵa aıyppul túrinde ákimshilik jaza qoldanyldy, – dedi Aıjan Esmaǵambetova. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir