Ashyq derekkóz
COVID-19-dyń jeńil túrimen aýyryp, úılerine shyǵarylǵan naýqastar qajetti dári-dármekpen qamtamasyz etiledi. Bul týraly Almaty qalasynyń ákimi Baqytjan Saǵyntaev "Almaty" telearnasynda ótken Akimat Live baǵdarlamasynyń tikeleı efırinde suraqtarǵa jaýap berý kezinde aıtty.
Ákim stasıonarlardy qajetti dári-dármektermen qamtamasyz etý máselesine túsinikteme berdi.
– Eger pasıent ambýlatorlyq emdelýde bolsa nemese stasıonardan úıge emdelýge shyqsa, onda biz ony tolyq kólemde qamtamasyz etýimiz kerek. Qazir biz naqty kerek tizim boıynsha barlyq klınıkalarymyzdy, árbir emhanadaǵy qorlardy esepke aldyq (COVID-19 ben kúres aıasynda). Sonda naýqas memleketten bul dári-dármekterdi tolyq alýy kerek. Bul pasıentter bizdiń mobıldi brıgadalardyń baqylaýynda, – dep atap ótti B. Saǵyntaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir