23 Shilde, 2020 Barlyq aımaqtar

DDSU koronavırýsqa qarsy jappaı vaksınasııalaý merzimin atady

Kórneki sýret

Dúnıejúzilik densaýlyq saqtaý uıymynyń (DDSU) atqarýshy dırektory Maık Raıan koronavırýsqa qarsy jappaı vaksınasııa jasaý ýaqytyn aıtty, dep habarlady Reuters. 

Onyń aıtýynsha, zertteýshiler koronavırýsqa qarsy vaksınalardy ázirleýde aıtarlyqtaı tabysqa qol jetkizdi. Olardy jappaı qoldanýdy 2021 jyldyń basyna deıin kútýdiń qajeti joq. 

– Biz aıtarlyqtaı tabysqa qol jetkizdik. Birneshe vaksına qazirgi ýaqytta úshinshi faza synaǵynan ótip jatyr, – dedi Raıan. 

Raıannyń pikirinshe, DDSU áleýetti vaksınalarǵa qol jetkizýdi jáne óndiristik qýattylyqty keńeıtý úshin jumys isteıdi. 

– Bul koronavırýsqa qarsy vaksına baılarǵa da, kedeılerge de arnalmaǵan, olar bárine arnalǵan, – dedi ol. 

Buǵan deıin AQSh úkimeti Pfizer Inc pen nemis BioNTech bıotehnologııalyq kompanııasyna eger COVID-19 vaksınasynyń qaýipsiz jáne tıimdi ekendigi anyqtalǵan bolsa, 100 mıllıon doza úshin 1,95 mıllıard dollar tóleýge daıyn ekenin málimdegen bolatyn. 

21 shildede QR Densaýlyq saqtaý mınıstri Alekseı Soı brıfıngte Qazaqstan klınıkalyq zertteýlerdiń nátıjesinen keıin koronavırýsqa qarsy vaksınalardy satyp alý týraly sheshim qabyldaıtynyn aıtty. 

– Qazirgi ýaqytta biz ártúrli elderdiń vaksınalaryn zerttep jatyrmyz. Jetkizý merzimi vaksınanyń klınıkalyq synaqtardyń barlyq kezeńderinen ótip, jalpy halyq úshin qoldanýǵa ruqsat etilgendigi týraly resmı rastaý bolǵan kezde baılanysty bolady, – dedi Densaýlyq saqtaý mınıstrliginiń basshysy. 

Sondaı-aq Soı Qazaqstannyń Reseımen vaksınalardy jetkizý týraly aldyn-ala kelisimderi bar ekenin aıtty. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir