23 Shilde, 2020 Barlyq aımaqtar

E.Toǵjanov: Bizde áli kúnge "maska kımese de bolady, paıdasy joq” dep oılaıtyndar bar

Kórneki sýret

5 shildeden bastap karantın talaptaryn buzý boıynsha 4,3 myń derek anyqtalǵan. Bul týraly QR Premer-Mınıstriniń orynbasary E. Toǵjanovtyń tóraǵalyǵymen ótken COVID-19 máseleleri jónindegi jedel shtabtyń otyrysynda aıtyldy. 

Jıynda Pavlodar, Qyzylorda, Qostanaı, Aqtóbe jáne Batys Qazaqstan oblystarynda olardy anyqtaý boıynsha jumystyń jetkiliksizdigi atap ótildi.

Sondaı-aq Jedel shtab azamattardyń sanıtarlyq jáne betperde rejımin saqtaý máselelerine erekshe nazar aýdardy. 

– Biz ómirdiń ár adam úshin qymbat – ekendigine jáne qaıtalanbaıtyndyǵyna basa nazar aýdara otyryp, qoǵamnyń sana-sezimi men minez-qulqyn túbegeıli ózgertýimiz kerek. Bizde áli kúnge deıin "maska kómektespeıdi, kımese de bolady, paıdasy joq” dep oılaıtyndar bar. Adamdar áli kúnge deıin faktilerdi emes, ózderiniń jańsaq pikirlerin ǵana basshylyqqa alady. Vırýspen kúres barlyq qazaqstandyqtardy "ortaq maqsat sezimimen" biriktirýi tıis, al karantın rejımin buzǵandardy qoǵam ózi aıyptaýy kerek. Osy jumysty uıymdastyrý memlekettik organdardyń mindetteriniń biri, – dep atap ótti E.Toǵjanov. 

Toǵjanov pandemııa kezinde azamattardyń ózin-ózi ustaý erejelerin ázirleýdi, óńirlerde karantın rejımin buzýlarǵa qatysty kúndelikti reıdter júrgizýdi jáne birqatar basqa da shuǵyl tapsyrmalardy júktedi. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir