23 Shilde, 2020 NEWS

Atyraýda ushaqtan shyqqan qara tútinniń ne ekeni anyqtaldy

Vıdeodan skrınshot

Atyraý áýejaıynan aspanǵa kóterilip, artynan shubatylǵan qoıý qara tútin qaldyryp bara jatqan ushaq kópshiliktiń kóńilin alańdatty. Bul týraly ktk.kz habarlady.

Buǵan deıin de túrli-tústi suıyqtyq shashyp júrgen ushaqtyń vıdeosy áleýmettik jelide tarap, talaı alyp-qashpa áńgimege sebep bolǵan. Atyraý turǵyndary bul joly da shoshyp otyr.

Turǵyndardyń aıtýynsha, mundaı ushaq Atyraýda rasymen joq. Injenerlik-avıasııa qyzmeti ókilderi bul ushaqtar Atyraýǵa tranzıttik baǵytta ushyp-qonatynyn aıtty. Keńes odaǵy kezinde 1960 jyldary shyǵarylǵan «Antonov-12» júk tasymaldaýshy áýe kemesi kórshiles elderde áli qoldanysta júr. Olar Atyraýdaǵy iri óndiristik kásiporyndarǵa munaı-gaz qondyrǵylaryn tasymaldaıdy.

Atalǵan áýe kemeleri Atyraý áýejaıyna aptasyna eki ret kelip ketedi eken. Ushaqtyń ózindik salmaǵy 61 tonna, al júk kóterý salmaǵy 21 tonna. Mamandar «bul turǵyndar úshin asa qaýipti emes» dep, shubatylǵan qara jolaqtyń ne ekenin túsindirdi.   

– Turǵyndar arasynda  úlken daý týǵyzyp jatqan beınejazbalarǵa qatysty aıtarymyz bar. Bul qalypty jaǵdaı. Keńestik óndiristiń ushaqtary osyndaı áser beredi. О́ıtkeni ol kezeńde eshkim ekologııalyq qaýipsizdik týraly bas qatyrǵan joq.  Eski ushaqtardyń barlyǵy qalypty bıiktikke kóterilgenshe, janarmaıdy óte kóp tutynady, kún asa ystyq kezde qozǵaltqyshqa aýa jetpegendikten, sondaı tútin paıda bolady, – dedi Atyraý halyqaralyq áýejaıy, ınjenerlik-avıasııalyq qyzmetiniń basshysy Andreı Kım.

 

Ilmek sózder: Atyraý tútin ushaq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir