22 Shilde, 2020 Suhbat
Keıipker jibergen foto
Aıman Mamedalıeva 2019 jyldan beri otbasymen birge Ortalyq Afrıka Respýblıkasynda (OAR) turady. Jergilikti mektepte til mamany. Qamshy tilshisi Mamedalıevamen áleýmettik jeli arqyly sóılesip, OAR-daǵy ómir týraly surady.
Aıman Mamedalıeva Ortalyq Afrıka Respýblıkasynyń astanasy Bangı qalasynda turyp jatyr. О́ziniń sózinshe, shetelge shyǵyp tájirıbe almasý – joldasynyń armany bolǵan.
Mamedalıevanyń pikirinshe, eki eldi salystyrýǵa múlde kelmeıdy.
– Birinshiden, munda Qazaqstandaǵydaı záýlim ǵımarattar joq. Sondaı-aq balalarǵa arnalǵan oıyn ortalyqtaryn da tappaısyz. Mádenıet oshaqtary (kınozal, teatr, t.b.) da joqtyń qasy. Ekinshiden, taǵamdarda úlken aıyrmashylyq bar. О́ndiris sehtarynyń joqtyǵynan barlyq ónim syrttan eksporttalady. Úshinshiden, ınternet qymbat, baılanys nashar. Tórtinshiden, bul el halqy kedeı. Álemdegi eń kedeı elderdiń qatarynda bolǵandyqtan, halyq turmysy aýyr ári aıanyshty. Besinshiden, bul eldiń tabıǵatty Qazaqstandykinen erekshe. Qazir qys maýsymy sanalatyndyqtan, aýa salqyn, jaýyn kóp jaýady. Biz tórt mezgildi bilip óstik, al munda mezgil altaý, – deıdi Aıman.
"BIZGE BEIMÁLIM BANGI"
Afrıka týraly Instagram paraqshasynda qyzyqty jazbalar jazyp júrgen qazaq qyzy jaqynda "Bizge beımálim Bangı" atty kitap jazyp, 8 shilde kúni tusaýkeserin ótkizdi. О́ziniń aıtýynsha, kitapty oqyǵan oqyrman OAR-ǵa saıahat jasap qaıtqandaı bolady.
Onyń aıtýynsha, ózi turyp jatqan Bangı qalasynyń adamdary násilge bólinbeıdi.
KORONAVIRÝS SALQYNY
Jyl basynan beri dúnıejúzin dúrbeleńge salǵan koronavırýs indeti Aıman turatyn OAR-dy da aınalyp ótpegen.
Ol Qazaqstandy, týǵan-týystaryn saǵynǵanyn, biraq pandemııa saldarynan elge jete almaı otyrǵandaryn aıtty.
– Ár eldiń salty basqa, ıtteri qara qasqa demekshi, jergilikti adamdardyń óz salt-dástúri men ómir súrý daǵdylary bar. Bizdiń ómir súrý daǵdymyzǵa uqsamaıdy. Elge baryp týǵan-týysty kórip, arqa-jarqa bolǵanǵa ne jetsin. Balalar da aýyldy saǵynyp qaldy. Álemde órship turǵan pandemııanyń saldarynan áýe joldary toqtap turǵandyqtan, ázirshe saǵynyshymyzdy basyp, shydap júrmiz, – dedi Aıman áńgime sońynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir