Sonymen qatar, óńirlerde kómek kórsetýge arnalǵan 100 jyljymaly medısınalyq keshendi jetkizý josparlanǵan. Bul medısınalyq keshender jıyntyǵy rentgen jabdyqtarynan, ÝDZ, EKG, gınekologııalyq qaraý kabınetterinen, taldaý alý pýnktterinen turady. Jaqyn arada keshender satyp alynyp, aýyldarǵa jetkiziledi.
22 Shilde, 2020 Barlyq aımaqtar
ortcom.kz
COVID-19 indetin juqtyrý men odan kóz jumý jaǵdaılary turaqtala bastady. Bul týraly Ortalyq Kommýnıkasııalar qyzmetinde ótken brıfıng barysynda Densaýlyq saqtaý mınıstri Alekseı Soı málimdedi.
Búginde koronavırýstyq ınfeksııany juqtyrýdyń táýliktik ósimi 4-ten 2,1%-ǵa deıin tómendedi. Jedel járdem shaqyrtý jaǵdaılary 23%-ǵa azaıdy, al keıbir qalalarda bul kórsetkish eki esege tómendedi.
– «COVID-19-dan jazylǵandar sanynyń 60%-dan astamǵa artýy dınamıkanyń turaqtalǵanynyń belgisi jáne dárigerlermen, óńirlerdegi áriptesterimizben sóıleskende, olardyń birtindep ádettegi rejımde jumys isteı bastaǵandaryn baıqadyq. Sharalar júıeli túrde júzege asyrylyp jatyr. Árıne, densaýlyq saqtaý júıesin bir sátte ózgertý múmkin emes, degenmen oń ózgerister bar, jumystar júıelendirildi, qoljetimdilik artty, mobıldik brıgadalar sany ulǵaıtyldy. Eki apta buryn bul mobıldik brıgadalar bolmaǵan, al búgin aıtarlyqtaı ósimdi kórip otyrmyz, – dedi mınıstr.
Qazirgi kezde 3 myńǵa jýyq mobıldik brıgada quryldy. Jalpy tósek-oryn qory 50 myńǵa deıin artty. Medısınalyq uıymdarda provızorlyq tósek-oryndar júktemesi 20%-ǵa jáne reanımasııalyq tósek-oryndar 6%-ǵa azaıdy. Aýrýhanalarda 1958 О́JJ apparaty bar, qosymsha 4183 apparat satyp alynady. Olardyń úshten biri otandyq ónim.
– Aldaǵy 2 aıda atalǵan qondyrǵy Qazaqstanda jasalady jáne medısınalyq uıymdarǵa jetkiziledi. Sonymen qatar, qazirgi kezde shtattyq rejımde jetkizilimder júzege asyrylyp otyr. Jaqyn arada barlyq medısınalyq uıymdardy ókpeni jasandy jeldetý apparattarymen tolyqtaı jabdyqtalady. Sondaı-aq memleket pen azamattardyń kómegimen 21 880 tósek-oryn ottegimen, onyń ishinde 17 762-i ottegi konsentratorlarymen qamtamasyz etiledi, – dedi A. Soı.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir